პლანეტები დედავარსკვლავის მკაცრ „ხელში“ მყოფ შვილებად მიგვაჩნია, რომლებიც მის გარეშე ვერსად წავლენ.
თუმცა, კოსმოსი ფრიად უცნაური რამ არის. ობიექტები ყოველთვის არ იცავენ იმ წესებს, რომლებსაც ჩვენი აზრით, იძულებით უნდა მისდევდნენ.
ჯეიმს ვების კოსმოსური ტელესკოპის გამოყენებით, ასტრონომებმა ექვსი მოხეტიალე, პლანეტის ზომის ობიექტი დააფიქსირეს, რომლებიც არცერთ ვარსკვლავთან არ არიან მიბმული და თავისუფლად დანავარდობენ ვარსკვლავთშორის სივრცეში, პერსევსის თანავარსკვლავედის დიდებულ ვარსკვლავთწარმომქმნელ ნისლეულში.
„ვიკვლევთ ვარსკვლავთა ფორმირების საზღვრებს. თუ გაქვს ახალგაზრდა იუპიტერის მსგავსი ობიექტი, შესაძლებელია, რომ შესაფერის პირობებში ის ვარსკვლავი გახდეს? ეს მნიშვნელოვანი კონტექსტია როგორც ვარსკვლავთა, ისე პლანეტათა ფორმაციის შესასწავლად“, — ამბობს ჯონს-ჰოპკინსის უნივერსიტეტის ასტროფიზიკოსი ადამ ლანგეველდი.
ვრცლად პირველ არხზე
