რუსეთის სახელმწიფო სტატისტიკის ფედერალური სამსახურის („როსსტატის“) საინფორმაციო რესურსები კიბერთავდასხმის სამიზნე გახდა. ჰაკერული იერიშები 29 ოქტომბრიდან უწყვეტად მიმდინარეობს, რის გამოც უწყების ოფიციალური ვებგვერდი ამ დროისთვის მიუწვდომელია.
როგორც „როსსტატის“ პრესსამსახურმა RBC-ს განუცხადა, ვებგვერდის მუშაობის აღდგენა უახლოეს პერიოდში იგეგმება.
გამოცემა „კომერსანტის“ ინფორმაციით, გატეხილ ვებგვერდზე ჰაკერებმა ბელარუსულ ენაზე შეტყობინება განათავსეს: „პასუხისმგებლობას ვერავინ აარიდებს თავს“.
მსგავსი შინაარსის ტექსტები გამოჩნდა „როსსტატის“ რეგიონული სამმართველოების ვებგვერდებზეც.
