გაფართოების საკითხებში ევროკომისარმა, მარტა კოსმა განაცხადა, რომ ნავთობსადენი „დრუჟბა“ უახლოეს დღეებში ამოქმედდება, რაც ევროკავშირს უკრაინისთვის 90 მილიარდი ევროს სესხის განბლოკვის საშუალებას მისცემს.
ამასთან, კოსმა ოპტიმიზმი გამოთქვა, რომ, უნგრეთის ახალი მთავრობის მხარდაჭერით, ევროკავშირის საბჭო მალე შეძლებს მოლაპარაკებების ყველა კლასტერის ოფიციალურად გახსნას.
გავრცელებული ცნობებით, ევროკავშირის ელჩები 22 აპრილს შეეცდებიან უკრაინისთვის 90-მილიარდიანი სესხის საბოლოოდ დამტკიცებას.
მანამდე უნგრეთის მომავალმა პრემიერ-მინისტრმა, პეტერ მადიარმა განაცხადა, რომ არ დაბლოკავს სესხის გაცემის პროცესს, თუმცა დაადასტურა, რომ ბუდაპეშტი მასში მონაწილეობას არ მიიღებს.
