სახელმწიფო შესყიდვების სააგენტომ მუნიციპალიტეტებისთვის ნაგავშემკრები კონტეინერების შესყიდვაზე ორი მასშტაბური კონსოლიდირებული ტენდერი განახორციელა, რაც ადგილობრივი თვითმმართველობებისთვის ინფრასტრუქტურის გაუმჯობესების მნიშვნელოვანი ნაბიჯია.
პირველი ტენდერი იყო CON220000302, რომელიც 1100-ლიტრიანი მეტალის ნაგავშემკრები კონტეინერების შესყიდვას შეეხებოდა. პროექტის ფარგლებში გამარჯვებულ კომპანიად შპს „ორიენტი“ დასახელდა. აღნიშნული შესყიდვა რამდენიმე მუნიციპალიტეტის საჭიროებებს ერთიანად ფარავდა, რაც ბიუჯეტური რესურსის უფრო ეფექტიან გამოყენებას ისახავდა მიზნად.
მეორე, ახალი კონსოლიდირებული ტენდერი ითვალისწინებს 1,912 ერთეული ნაგავშემკრები კონტეინერის შეძენას მუნიციპალიტეტებისთვის. დოკუმენტაციის მიხედვით, კონტეინერები ეტაპობრივად უნდა გადანაწილდეს სხვადასხვა რეგიონში, მათ შორის ყველაზე დიდი მოცულობა გათვალისწინებულია გარდაბნისა და კასპის მუნიციპალიტეტებისთვის — თითოეულზე 300 ერთეული, ხოლო ქარელსა და ახალქალაქზე შესაბამისად 200 და 150 ერთეული.
ტენდერის ფარგლებში წინადადებების მიღება აპრილში დაიწყო, ხოლო მიწოდების ვადა ხელშეკრულების გაფორმებიდან 100 კალენდარული დღით განისაზღვრა.
კონსოლიდირებული შესყიდვების მოდელი სახელმწიფოს აძლევს შესაძლებლობას, ერთიანი შესყიდვით მიიღოს უკეთესი ფასი, სტანდარტიზებული ხარისხი და ადმინისტრაციული ხარჯების შემცირება, რაც საბოლოოდ ადგილობრივი ბიუჯეტებისთვის ფინანსურად უფრო ეფექტიან შედეგს ნიშნავს.
მუნიციპალიტეტებისთვის 1,912 ერთეული ნაგავშემკრები კონტეინერის შესყიდვის სავარაუდო ღირებულება 2,103,200 ლარს შეადგენს. საუბარია 1100-ლიტრიან კონტეინერებზე, რომლებიც უნდა იყოს დამზადებული მაღალხარისხიანი, ცივი ტექნოლოგიით დაპრესილი მეტალისგან. საქონლის მიწოდება ეტაპობრივად უნდა მოხდეს ხელშეკრულების გაფორმებიდან 100 კალენდარული დღის განმავლობაში. კონტეინერების ყველაზე დიდი რაოდენობა გათვალისწინებულია გარდაბნისა და კასპის მუნიციპალიტეტებისთვის — თითოეულზე 300 ერთეული, ხოლო ქარელსა და ახალქალაქზე შესაბამისად 200 და 150 ერთეული. თუ თანხას საერთო რაოდენობაზე გავანაწილებთ, ერთი კონტეინერის სავარაუდო საშუალო ღირებულება დაახლოებით 1,100 ლარია.
წინადადებების მიღება 21 აპრილს დაიწყება და 22 აპრილს დასრულდება.
წყარო: https://procurement.gov.ge
https://tenders.procurement.gov.ge
