დღის TOP 10 საინტერესო ამბავი:
1. მთავრობის უარი და თანხმობა - რა განსხვავებაა აზიის განვითარების ბანკის და ევროკავშირის სესხებს შორის
მიუხედავად პრემიერ-მინისტრის მტკიცებისა, სახელმწიფო ხაზინის ბიუჯეტის ანგარიშის მიხედვით, 2021 წლის პირველ 6 თვეში ფინანსური ვალდებულებების ზრდამ 3.5 მილიარდი ლარი შეადგინა, წლის ბოლომდე კი 12 თვეში აღებული ვალდებულებების მოცულობა 5.3 მილიარდ ლარს მიაღწევს.
2. მაღაზიები და რესტორნები ვადის ამოწურვასთან მიახლოებულ, მაგრამ უვნებელ პროდუქტს აღარ გადაყრიან
პარლამენტის აგრარულ საკითხთა კომიტეტი გაეროს სოფლის მეურნეობისა და სურსათის ორგანიზაციასთან ერთად მუშაობს პროექტზე, რომ საქართველოში ვადის ამოწურვასთან მიახლოებულ, მაგრამ ადამიანის ჯანმრთელობისთვის უსაფრთხო პროდუქტი გაჭირვებულ მოსახლეობამდე მივიდეს.
3. საქართველოში სახანძრო უსაფრთხოების ინვენტარის ადგილობრივი საწარმო ამუშავდა
„ელპლუსმა“ პირველად საქართველოში, სახანძრო უსაფრთხოების ინვენტარის წარმოება დაიწყო და განავითარა. მიუხედავად იმისა, რომ იგი, ასევე სახანძრო უსაფრთხოების მიმართულებით, მსოფლიო ბრენდების იმპორტიორი კომპანიაა, აქვს ამბიცია, ადგილობრივი წარმოებით ჩაანაცვლოს იმპორტი.
4. ერევანმა ბაქოს ნახიჩევანისკენ ცა გაუხსნა – პირველი ნაბიჯი სომხეთის დეიზოლაციისკენ და საქართველოს სატრანზიტო პერსპექტივა
პირველად, მრავალი წლის შემდეგ, აზერბაიჯანულმა ავიაკომპანიამ სომხეთის საჰაერო სივრცეში ფრენა დაიწყო. 6 ოქტომბრიდან ავიაკომპანია AZAL , ბაქო - ნახიჩევანი - ბაქოს შიდა რეისებს სომხეთის საჰაერო კორიდორის გამოყენებით ასრულებს.
5. ივერონი: დეველოპერებს მალე, შესაძლოა, მშენებლობის დაწყების სურვილი აღარ ჰქონდეთ
პანდემიის და ამოქმედებული რეგულაციების პარალელურად, დეველოპერული სექტორი ერთ-ერთ ნეგატიურ ფაქტორად სამშენებლო მასალებზე გაზრდილ ფასებს ასახელებს.
6. ანალიტიკოსი საქართველოს განვითარების ყველაზე დიდ მუხრუჭად სათამაშო ბიზნესს ასახელებს
ანალიტიკოსმა ზურა კუკულაძემ აზარტული თამაშების სექტორის ზრდის შეფასებისას განაცხადა, რომ ,,არ უნდა გაგვიკვირდეს ასეთი ზრდა. ამ პირობებში გასაკვირი ისაა, ეკონომიკის სხვა სექტორები საერთოდ როგორ არსებობს“.
7. ქართული არაქისის კარაქის მწარმოებელი „სნექი“ მეორე მაღაზიას ხსნის
დაახლოებით ერთი წელია, რაც ბაზარზე ქართული არაქისის კარაქის მწარმოებელი კომპანია „სნექი“ გამოჩნდა და ის მომხმარებელს არაქისის კარაქს ყოველგვარი დანამატების გარეშე სთავაზობს.
8. ბავშვის ტანსაცმლის გამოფენაზე Playtime Trade Shows Paris 2022 ქართული მწარმოებელი „რკო“ წარდგება
ბავშვის ტანსაცმლის მწარმოებელი ქართული ბრენდები 2022 წლის დასაწყისში პარიზში, საერთაშორისო გამოფენა PLAYTIME-ზე საკუთარ პროდუქციას წარადგენენ.
9. ჩინეთი სასუქების ექსპორტს შეზღუდავს
სასუქების გლობალურ ბაზარს დეფიციტი ელოდება იმ შემთხვევაში, თუ ერთმანეთს ორი ფაქტორი დაემთხვა - მოთხოვნის მკვეთრი ზრდა და პარალელურად ჩინეთის მიერ ამ პროდუქციის ექსპორტის შეზღუდვა.
10. Forbes: ენერგოკრიზისის მიზეზად ალტერნატიულ ენერგიაზე ფორსირებულ გადასვლას ასახელებენ
Bank of America-ს დასკვნით, ზამთარში ნავთობის ფასმა შესაძლოა 100 დოლარს გადააჭარბოს და ამან ახალი გლობალური ეკონომიკური კრიზისი გამოიწვიოს.