მაღაზიები და რესტორნები ვადის ამოწურვასთან მიახლოებულ, მაგრამ უვნებელ პროდუქტს აღარ გადაყრიან

მაღაზიები და რესტორნები ვადის ამოწურვასთან მიახლოებულ, მაგრამ უვნებელ პროდუქტს აღარ გადაყრიან

access_time2021-10-07 11:00:06

პარლამენტის აგრარულ საკითხთა კომიტეტი გაეროს სოფლის მეურნეობისა და სურსათის ორგანიზაციასთან ერთად მუშაობს პროექტზე, რომ  საქართველოში ვადის ამოწურვასთან მიახლოებულ, მაგრამ ადამიანის ჯანმრთელობისთვის უსაფრთხო პროდუქტი გაჭირვებულ მოსახლეობამდე მივიდეს. სპეციალურად ამ მიზნით სურსათის ბანკის შექმნა იგეგმება. ამისთვის მნიშვნელოვანია საქველმოქმედო მიზნით ან დონაციით ვადაგასული სურსათის გადაცემა არ დაიბეგროს, რა მიმართულებითაც კანონმდებლობა შეიცვლება.

 


როგორც ,,კომერსანტს“  პარლამენტის აგრარულ საკითხთა კომიტეტის წევრმა ხატია წილოსანმა აცნობა, შესაბამის საკანონმდებლო ჩარჩოს შემუშავებაზე მუშაობა ორიოდე კვირაში დაიწყება, ხოლო უკვე 2022 წლის ბოლოს საქართველოს ექნება გამართული საკანონმდებლო ჩარჩო, რაც ბიზნესს საშუალებას მისცემს,  განახორციელოს იმ პროდუქტის დონაცია, რომლის გაყიდვა, შენახვის ვადიდან გამომდინარე, შესაძლებელი არ არის, მაგრამ ადამიანისთვის უსაფრთხოა.



,,აგრარულ საკითხთა  კომიტეტი  აქტიურად მუშაობს, რომ მოხდეს სურსათის მარაგების სწორი მართვა და განაწილება. სურსათის ბანკის შექმნა არის მისი ერთ-ერთი კომპონენტი. ჯერჯერობით მიმდინარეობს აქტიური მუშაობა, როგორ უნდა დალაგდეს იმგვარად, რომ სუპერმარკეტების და სარესტორნო მიმართულების კომპანიებს ჰქონდეთ ინტერესი და სურვილი, ამ ინიციატივაში სწორად ჩაერთონ.  გაეროს სოფლის მეურნეობისა და სურსათის ორგანიზაციასთან ერთად, გავაკეთეთ კვლევა, რას გულისხმობს  სიახლე და რა რაოდენობის სურსათი რჩება მოხმარების მიღმა, რომელიც  მართვას საჭიროებს. ეს მნიშვნელოვანია, რათა საკვები  ხელმისაწვდომი იყოს ადამიანებისთვის, ვისაც ამის საჭიროება აქვს. გარდა ამისა, იგი ბიზნესისთვისაც საინტერესო უნდა  იყოს.  საქართველოს კანონმდებლობაში არსებობდა ჩანაწერი, რომ საქველმოქმედო მიზნით ან დონაციით გადაცემაც ჩვეულებრივ იბეგრებოდა. შესაბამისად,  კანონმდებლობის დონეზე მოხდება ცვლილება. გვინდა მხარი დავუჭიროთ ბიზნესს და მოსახლეობასაც გავუზარდოთ წვდომა სურსათზე, რასაც ეს ინიციატივა ემსახურება“, - აცხადებს ხატია წილოსანი.



მისი ინფორმაციით, სურსათის ბანკი ძირითადად რესტორნებთან, სასტუმროებსა და სუპერმარკეტებთან ითანამშრომლებს, რომლებიც წინასწარ განსაზღვრული ნუსხის მიხედვით, უვნებელ პროდუქტებს მიაწვდიან ბანკს. პირველადი დოკუმენტის მიხედვით, სურსათის ბანკის მენეჯმენტს არა სახელმწიფო, არამედ საქველმოქმედო ორგანიზაციები განახორციელებენ.




სისტემაში მონაწილეობა კერძო სექტორისთვის ნებაყოფლობითი იქნება, თუმცა ამასთან ის წახალისებული იქნება შესაბამისი საგადასახადო რეჟიმით.



სურსათის ბანკის შექმნის შესახებ პირველადი დოკუმენტის განხილვები დაახლოებით 2 კვირის ვადაში იგეგმება. ცვლილებების ინიცირებას აგრარული კომიტეტი სავარაუდოდ მიმდინარე წლის ბოლომდე მოახდენს.



,,მნიშვნელოვანია კანონი შემუშავდეს და რეალურად იმოქმედოს, რომ ამით ბიზნესმა და მოსახლეობამაც მიიღოს სარგებელი. ამ მიმართულებით აქტიური მუშაობა საგაზაფხულო სესიისთვის დაიწყება, ხოლო  2022 წლის ბოლოსთვის გვექნება ყველა პირობა, რომ გამართული საკანონმდებლო ჩარჩო არსებობდეს ქვეყანაში“, - აცხადებს წილოსანი ,,კომერსანტთან“.

 


გაეროს სურსათისა და სოფლის მეურნეობის ორგანიზაციისა (FAO) და მსოფლიო სასურსათო პროგრამის (WFP) მიერ გამოქვეყნებული ახალი ანგარიშის თანახმად, მსოფლიოს 20 ქვეყანაში მცხოვრებ 35 მილიონამდე ადამიანს მომდევნო თვეების განმავლობაში შიმშილის საფრთხე ემუქრება. ამის გამომწვევ ძირითად მიზეზად სპეციალისტები კორონავირუსის პანდემიას, კლიმატის ცვლილებასა და შეიარაღებულ კონფლიქტებს ასახელებენ.



ამის პარალელურად კი, როგორც ცნობილია, ყოველწლიურად 1,3  მილიარდი ტონა საკვები იყრება და იკარგება მსოფლიოში, რაც დაახლოებით 3 მილიარდ ადამიანს გამოკვებავდა.



რაც შეეხება საქართველოს, სურსათზე ხელმისაწვდომობა, ქვეყანაში ერთ-ერთი სერიოზული პრობლემაა. 622 266 ადამიანი სახელმწიფოს დახმარების იმედადაა. გაეროს არაერთი კვლევით დადასტურებულია, რომ ათასობით ადამიანი შიმშილობს, მათ შორის, ბავშვები. ოფიციალური მონაცემით, ყოველწლიურად დაახლოებით 900 ათასი ტონა მუნიციპალური ნარჩენი წარმოიქმნება, აქედან 700 ათასი ტონა მუნიციპალურ ნაგავსაყრელზე ხვდება, საიდანაც  40% სწორედ ორგანული ნარჩენია, რომლის უდიდესი ნაწილი საკვებია.


მარი ჩიტაია





ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო

ევროპის საინვესტიციო ბანკმა ტერაბანკს გრძელვადიანი საკრედიტო რესურსი გამოუყო
access_time2021-10-21 11:55:49
ტერაბანკმა მცირე და საშუალო ბიზნესის დაფინანსებისთვის ევროპის საინვესტიციო ბანკისგან 6 მილიონი ევრო მიიღო. თანხა მთლიანად ამ სეგმენტის გაჯანსაღებასა და განვითარებას, COVID-19-ის პანდემიით გამოწვეული ზიანის შემცირებასა და სწრაფ რეაბილიტაციას მოხმარდება.   სესხი ევროპის საინვესტიციო ბანკის მცირე და საშუალო ბიზნესის განვითარების ინიციატივის ნაწილია, რომელიც საქართველოში ამ სეგმენტისთვის დაფინანსების ხელმისაწვდომობისა და ადგილობრივი საბანკო სექტორის...

თბილისში ამერიკული ჰოსპიტალი გაიხსნა

თბილისში ამერიკული ჰოსპიტალი გაიხსნა
access_time2021-10-21 15:00:35
American Intercontinental Healthcare Group-ის ოპერატორობით თბილისში მრავალპროფილური სამედიცინო ცენტრი „ამერიკული ჰოსპიტალი თბილისი“ გაიხსნა, რომელიიც აშშ-ის საერთაშორისო განვითარების საფინანსო კორპორაციის მხარდაჭერით საქართველოს სახელმწიფოს ინტერესებით შეიქმნა. პროექტის განხორციელებისთვის გაწეული პირდაპირი ინვესტიცია 50 მილიონ აშშ დოლარს აღემატება.    ჯანდაცვის სექტორისთვის სტრატეგიული ობიექტი წარმოდგენილია 183 საწოლით და სხვადასხვა მიმართულების განყოფილებით, რომელიც...

„კრისტალმა“ ბიზნეს პროცესების მართვის ახალი სისტემა დანერგა

„კრისტალმა“ ბიზნეს პროცესების მართვის ახალი სისტემა დანერგა
access_time2021-10-21 09:55:18
ფინანსური ჩართულობის ორგანიზაცია „კრისტალი“ ციფრული ტრანსფორმაციისკენ მნიშვნელოვანი ნაბიჯების გადადგმას აგრძელებს. სწორედ ამ სტრატეგიის ნაწილს წარმოადგენს ძირითადი ბიზნეს პროცესების მართვის ახალი სისტემა - „ალტას“ პროგრამული უზრუნველყოფა, რომლის დანერგვაც კომპანიამ წარმატებით დაასრულა. „ალტას“ პროგრამული უზრუნველყოფა, რომლითაც მანამდე არსებული ძირითადი ბიზნესპროცესების მართვის სისტემა ჩანაცვლდა, გაცილებით მოქნილი და საბანკო სფეროში აპრობირებულია...

დღის TOP10 საინტერესო ამბავი

დღის TOP10 საინტერესო ამბავი
access_time2021-10-20 21:00:05
დღის TOP10 საინტერესო ამბავი:     1. ინტერნეტ–გადახდების რაოდენობა 100%-ით გაიზარდა - როგორ შეცვალა პანდემიამ მომხმარებლის ქცევა კოვიდ პანდემიის ფონზე საბარათე ოპერაციებისა და ბარათით გადახდების მაჩვენებლები რადიკალურად შეიცვალა, რადგან პანდემიის დასაწყისში ვირუსის შემანელებელ ერთ-ერთ ფაქტორად...

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს

აფხაზეთში მაინერების ამოღება ელექტროენერგიის მოხმარებას 5-7%-ით შეამცირებს
access_time2021-10-20 19:00:27
ბოლო 2-3 წელია, აფხაზეთის დე-ფაქტო მთავრობა კრიპტოვალუტის მაინინგს ებრძვის და რამდენიმე ათასი ერთეულის ამოღება ოფიციალურადაც დაადასტურა. თუმცა ქართველი ენერგეტიკოსები ამ პროცესის მიმართ უნდობლობას აშკარად ამჟღავნებენ. ენერგეტიკოს გია არაბიძეს აღსრულების მექანიზმი სუსტი ეჩვენება. თუმცა ოკუპირებულ რეგიონში მაინინგის ამოღების ფაქტების საფუძველზე ასკვნის, რომ აფხაზეთს შესაძლებლობა აქვს ენერგომოხმარება 5-7%-ის ფარგლებში შეამციროს. ,,მაინინგს აფხაზეთი ებრძვის...


მსგავსი სიახლეები

up