საქართველოში სახანძრო უსაფრთხოების ინვენტარის ადგილობრივი საწარმო ამუშავდა

საქართველოში სახანძრო უსაფრთხოების ინვენტარის ადგილობრივი საწარმო ამუშავდა

access_time2021-10-07 12:00:23

„ელპლუსმა“ პირველად საქართველოში, სახანძრო უსაფრთხოების ინვენტარის წარმოება დაიწყო და განავითარა. მიუხედავად იმისა, რომ იგი, ასევე სახანძრო უსაფრთხოების მიმართულებით, მსოფლიო ბრენდების იმპორტიორი კომპანიაა, აქვს ამბიცია, ადგილობრივი წარმოებით ჩაანაცვლოს იმპორტი.

 


როგორც ,,ელპლუსის“ ბიზნესის განვითარების დირექტორი ვაკო საღირაშვილი ,,კომერსანტთან“ განმარტავს, კომპანია უკვე 16 წელია, რაც ბაზარზე ოპერირებს. ,,ელპლუსმა“  საქმიანობა დაიწყო, როგორც სახანძრო უსაფრთხოების მიმართულებით მსოფლიო ბრენდების იმპორტიორმა კომპანიამ,  თუმცა 2021 წლიდან (ტესტ რეჟიმში კი 2020-დან) პირველად საქართველოში სახანძრო უსაფრთხოების ინვენტარის ადგილობრივი წარმოება აამუშავა.



,,აღსანიშნავია, რომ ჩვენი პროექტების განხორციელებისას, ჩვენს მიერ იმპორტირებული პროდუქციის 30% უკვე ჩანაცვლებული გვაქვს ადგილობრივი, ჩვენს საწარმოში შექმნილი პროდუქციით. რაც შეეხება სტანდარტს, ვფლობთ ISO9001:2015 სერტიფიკატს. ,,ელპლუსის“  წარმოებულ ცეცხლმედეგ კარს გავლილი აქვს ევროპული სტანდარტის მქონე ტესტ რეპორტი. ახლო მომავალში ვიწყებთ მუშაობას იმ მიმართულებით, რომ ჩვენს ქარხანაში ნაწარმოებმა ცეცხლმაქრებმა მიიღონ ევრო ნორმებით დადგენილი სერტიფიცირება. ამ ორი პროდუქტით ვეცდებით ქართული ბაზრის მოთხოვნის მნიშვნელოვანი ნაწილი, სწორედ ადგილობრივი პროდუქციით ჩავანაცვლოთ“, - ამბობს ვაკო საღირაშვილი.




მისი ინფორმაციით, 2020 წელთან შედარებით,  კომპანიამ წარმოება 50%-ით გაზარდა.   



,,საწარმოში გამოიყენება მხოლოდ მაღალი ხარისხის სერტიფიცირებული მასალა. იწარმოება ცეცხლმაქრები, სახანძრო კარები, ცეცხლგამძლე კარადები, ცეცხლმედეგი ვენტილირებადი ფასადები, მეტალის სტელაჟები და სხვა პროდუქცია. ტერიტორიაზე ასევე განთავსებულია ევროპული სტანდარტების მქონე სამღებრო. სხვა კომპანიების მსგავსად, პანდემიის დროს ,,ელპლუსიც“ დადგა გარკვეული გამოწვევების წინაშე. შეჩერდა დიდი მნიშვნელოვანი პროექტები, განსაკუთრებით ჰოსფითალითი სექტორში, რამაც გამოიწვია რეალიზაციის შემცირება.  სხვა კომპანიების მსგავსად, ჩვენც აღმოვჩდით არასახარბიელო მდგომარეობაში. თუმცა აუცილებლად აღსანიშნავია, რომ სირთულეებს თავი წარმატებით გავართვით და კოვიდ კრიზისის დროს, ჩვენი კომპანიის არც ერთი კადრი არ დარჩენილა სამუშაო ადგილის გარეშე. მეტიც, 2021 წლიდან კომპანიის კიდევ უფრო გაძლიერების მიზნით, ახალი მიმართულებები გავხსენით და ახალი თანამშრომლები  დავასაქმეთ“, - აღნიშნავს ვაკო საღირაშვილი.



კომპანიისთვის ახლა მთავარი  კვალიფიციური კადრებია, რაც ზოგადად ქართული შრომის ბაზრის ერთ-ერთი მწვავე პრობლემაა.



,,კომპანიაში სრულად, მათ შორის საწარმოსა და ოფისში, 200–მდე თანამშრომელია დასაქმებული. ტექნიკური მიმართულებით, დარგის სპეციალისტების დეფიციტი ნამდვილად შეინიშნება. ამიტომ განსაკუთრებულ ყურადღებას ვუთმობთ ჩვენი კადრების საზღვარგარეთ გადამზადებას და დასავლური გამოცდილების დანერგვას“, - ამბობს ბიზნესის განვითარების დირექტორი ,,კომერსანტთან“.


მარი ჩიტაია

ცნობისთვის, „ელპლუსმა სახელმწიფო პროგრამის „აწარმოე საქართველოში“ ბენეფიციარია.  

კომპანიის მიერ განხორციელებული ინვესტიციის მოცულობა 6.000.000 ლარს შეადგენს, საიდანაც 2.000.000 ლარი „აწარმოე საქართველოში“-ს პროექტის ფარგლებში დაფინანსდა.






ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის

ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის
access_time2022-01-20 19:00:25
რუსეთის მხრიდან უკრაინაზე თავდასხმის ალბათობა ამ დრომდე ნარჩუნდება. მძიმე ტექნიკა და 100 ათასზე მეტი ჯარისკაცი მოსკოვს მეზობელი ქვეყნის საზღვრიდან არ გაჰყავს და კონტიგენტს თითქმის ყოველდღე ცოცხალი ძალითა თუ ჯავშანტექნიკის დამატებითი ერთეულებით ავსებს. დასავლეთი პუტინს სანქციებით ემუქრება, წარსულის გამოცდილება აჩვენებს, რომ კრემლში სანქციების არ ეშინიათ, თუმცა სანქციებსაც გააჩნია, ერთია ალუმინის მომპოვებელი საწარმოს მეწილისთვის ვიზის არ მიცემა და მეორე საერთაშორისო საბანკო გადარიცხვების...

20 იანვარი - ლარის კურსი უმეტეს ვალუტასთან მიმართებით გამყარდა

20 იანვარი - ლარის კურსი უმეტეს ვალუტასთან მიმართებით გამყარდა
access_time2022-01-20 18:00:08
20 იანვრის ვაჭრობის შედეგად ლარი აშშ დოლართან მიმართებაში 0.15 თეთრით 3.0825- მდე გამყარდა. Bloomberg-ის პლატფორმაზე დღის ბოლოს კურსმა 3.0800 შეადგინა. საერთაშორისო ვალუტებიდან ლარი ევროსთან 1.50 თეთრით 3.4980-მდე, ბრიტანულ ფუნტთან 0.02 თეთრით 4.1990 -მდე, 1000 სომხურ დრამთან კი 1.36 თეთრით 6.3946-მდე, 100 რუსულ რუბლთან 0.66 თეთრით 4.0305-მდე, აზერბაიჯანულ მანათთან 0.08 თეთრით 1.8160-მდე გამყარდა.  თურქულ ლირასთან 0.14 თეთრით 0.2293-მდე...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-20 21:00:32
დღის TOP10 საინტერესო ამბავი:     1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას...

„აირზენას“ შეძენით ჩინური და არაბული კომპანიები არიან დაინტერესებული

„აირზენას“ შეძენით ჩინური და არაბული კომპანიები არიან დაინტერესებული
access_time2022-01-20 20:00:00
„საქართველოს ეროვნული ავიაკომპანიის „აირზენას“ შესაძენად უკვე არის დაინტერესება ჩინური და არაბული კომპანიის მხრიდან“. ამის შესახებ „ჯორჯიან ეარვეისის“ ყოფილმა დირექტორმა, „საქართველოს ბიზნეს ბროკერიჯის“ დამფუძნებელმა რომან ბოკერიამ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ხელშეკრულებით არაბული კომპანიის დასახელება არ შეუძლია, რაც შეეხება ჩინურ მხარეს, ბოკერიას თქმით, „აირზენას“ შეძენით დაინტერესებულია სინჩუანის პროვინციის...

ქეთევან დედოფლის გამზირი იკეტება - სრული რეაბილიტაცია დაიწყო

ქეთევან დედოფლის გამზირი იკეტება - სრული რეაბილიტაცია დაიწყო
access_time2022-01-20 14:55:00
ისნის რაიონში, ქეთევან დედოფლის გამზირის სრული რეაბილიტაცია დაიწყო, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. ინფორმაციას თბილისის მერიის პრესსამსახური ავრცელებს. როგორც დედაქალაქის მერმა აღნიშნა, ინფრასტრუქტურული სამუშაოები რამდენიმე ეტაპად წარიმართება, პირველ ეტაპზე კი ქეთევან დედოფლის გამზირზე მიწისქვეშა კომუნიკაციები განახლდება. „ვიწყებთ ქეთევან დედოფლის გამზირის სრულ რეაბილიტაციას. ინფრასტრუქტურული პროექტი...


მსგავსი სიახლეები

up