ბავშვის ტანსაცმლის გამოფენაზე Playtime Trade Shows Paris 2022 ქართული მწარმოებელი „რკო“ წარდგება

ბავშვის ტანსაცმლის გამოფენაზე Playtime Trade Shows Paris 2022 ქართული მწარმოებელი „რკო“ წარდგება

access_time2021-10-07 14:00:49

ბავშვის ტანსაცმლის მწარმოებელი ქართული ბრენდები 2022 წლის დასაწყისში პარიზში, საერთაშორისო გამოფენა PLAYTIME-ზე საკუთარ პროდუქციას წარადგენენ. ქართველი დიზაინერები მსოფლიოს ერთ-ერთ უდიდეს გამოფენაზე სააგენტოს „აწარმოე საქართველოში“ მხარდაჭერით წარდგებიან.



ერთ-ერთი ქართული ბრენდი არის  ბავშვთა ტანსაცმლის მწარმოებელი კომპანია ,,რკო“, რომელიც გლობალურ გამოფენებზე უკვე მეოთხედ მიიღებს მონაწილეობას. აღნიშნულთან დაკავშირებით კომპანიის წარმომადგენელმა, დიზაინერმა თამუნა მესარკიშვილმა უთხრა ,,კომერსანტს“.



,,პარიზში გამოფენა იანვარში ჩატარდება. ამჯერადაც ჩვენი მხარდამჭერი სააგენტო ,,აწარმოე საქართველოშია“,  რომელიც საშუალებას გვაძლევს, საქართველოში დამზადებული, ქართული პროდუქცია მსოფლიოს გავაცნოთ და გლობალურ ბაზრებზე პოზიციები გავიუმჯობესოთ. გამოფენაზე ბავშვთა ტანსაცმლის ახალ კოლექციას წარვადგენთ. ჩვენთვის ეს რიგით მეოთხე გამოფენაა, ძალიან დაგვეხმარა, რადგან გაგვეზარდა საერთაშორისო  ბაზრებზე გაყიდვა, პირველივე წელს მივიღეთ შეკვეთები და ამან წარმოების სერიოზული ზრდის შესაძლებლობა მოგვცა. ამდენად, ძალიან დიდი მხარდაჭერაა. გარდა იმისა, რომ ახალ ბაზრებს ვითვისებთ, ფართოვდება კონკრეტულ ქვეყნებში მომხმარებელთა წრე, ყოველ პირველ შეკვეთას მოსდევს მეორე, მესამე და სხვა, რასაც განაპირობებს ხარისხი და განსხვავებული სტილი. ეს ჩვენი ბიზნესის განვითარებისთვის მნიშვნელოვანია“, - ამბობს თამუნა მესარკიშვილი ,,კომერსანტთან“.  

 



საერთაშორისო გამოფენა PLAYTIME წარმოადგენს ბავშვის ტანსაცმლის სექტორში ერთ-ერთ უმნიშვნელოვანეს ღონისძიებას. გამოფენა ტრადიციულად იმართება ნიუ-იორკში, პარიზსა და შანხაიში. ბოლო წლების განმავლობაში გამოფენის მასშტაბი მნიშვნელოვნად გაიზარდა.



გამოფენის მონაწილე კომპანიების შერჩევა განხორციელდება სააგენტოს მიერ შემუშავებული და დამტკიცებული კომპანიების შერჩევის და თანადაფინანსების დოკუმენტის საფუძველზე.



გარდა პარიზისა, ბავშვთა ტანსაცმლის გამოფენა ჩატარდება იტალიაშიც. Pitti Immagine Bimbo არის ბავშვის ტანსაცმლის სექტორის ერთ-ერთი უმნიშვნელოვანესი გამოფენა, რომელიც ტრადიციულად ქალაქ ფლორენციაში ტარდება.



გამოფენას ყოველწლიურად 10 000 ვიზიტორი სტუმრობს და მონაწილეობას იღებს 500-მდე საერთაშორისო ბრენდი. Pitti Immagine Bimbo იზიდავს მსხვილ ბრენდებსა და მულტინაციონალურ ვიზიტორებს.



მარი ჩიტაია





საქართველოში ყველის ძირითადი იმპორტიორი გერმანიაა

საქართველოში ყველის ძირითადი იმპორტიორი გერმანიაა
access_time2021-11-28 21:00:55
საქართველოდან ყველის ექსპორტი 41%-ით გაიზარდა. „საქსტატის“ მონაცემებით, 2021 წლის იანვარ-ოქტომბერში საქართველომ 101.9 ტონა ყველის ექსპორტში $642.6 ათასის შემოსავალი...

მატარებელი ფრთებით - განვითარების რა ეტაპზეა რკინიგზა მსოფლიოში

მატარებელი ფრთებით - განვითარების რა ეტაპზეა რკინიგზა მსოფლიოში
access_time2021-11-28 22:30:05
...

რატომაა აუცილებელი საპორტო სიმძლავრეების გაზრდა საქართველოსთვის

რატომაა აუცილებელი საპორტო სიმძლავრეების გაზრდა საქართველოსთვის
access_time2021-11-29 00:00:11
...

ქართული წვენების ექსპორტი გაიზარდა - შემოსავალი $8 მილიონს აჭარბებს

ქართული წვენების ექსპორტი გაიზარდა - შემოსავალი $8 მილიონს აჭარბებს
access_time2021-11-28 19:00:46
2021 წლის იანვარ-ოქტომბერში გასული წლის შესაბამის პერიოდთან შედარებით, საქართველომ ხილის და ბოსტნეულის წვენების ექსპორტი 22%-ით, 6.7 ათას ტონამდე გაზარდა. „საქსტატის“ მონაცემებით, $6.5 მილიონიდან $8.2 მილიონამდე გაიზარდა ექსპორტიდან მიღებული...

როგორ მუშაობს პროექტი ,,იმუშავე საქართველოდან“

როგორ მუშაობს პროექტი ,,იმუშავე საქართველოდან“
access_time2021-11-28 18:00:19
პროექტ ,,იმუშავე საქართველოდან“ ამოქმედებიდან დღემდე, 3129 უცხოელი დარეგისტრირდა, საიდანაც 501 აპლიკანტს უარი ეთქვა - ამის შესახებ საქართველოს ტურიზმისა და კურორტების ეროვნულ ადმინისტრაციაში განაცხადეს. უწყების ცნობით, ქვეყნაში უკვე შემოსულია 1 117 პირი, რაც პოტენციურად 6 თვის განმავლობაში 14 მლნ...


მსგავსი სიახლეები

up