Forbes: ენერგოკრიზისის მიზეზად ალტერნატიულ ენერგიაზე ფორსირებულ გადასვლას ასახელებენ

Forbes: ენერგოკრიზისის მიზეზად ალტერნატიულ ენერგიაზე ფორსირებულ გადასვლას ასახელებენ

access_time2021-10-07 20:00:01

Bank of America-ს დასკვნით, ზამთარში ნავთობის ფასმა შესაძლოა 100 დოლარს გადააჭარბოს და ამან ახალი გლობალური ეკონომიკური კრიზისი გამოიწვიოს.

 


ანალიტიკოსების აზრით, ამას ხელს 3 ფაქტორი შეუწყობს - ცივი ზამთარი, გადაზიდვებზე მოთხოვნის ზრდა და ელექტროენერგიის გამომუშავებაში გაზის ჩანაცვლება ნავთობით. თუმცა, ეს ჩანაცვლება ყველგან ვერ იქნება შესაძლებელი - ევროპამ „მწვანე ლობის“ წყალობით ეს შანსი დაკარგა - ეს არარაციონალური და გაუაზრებელი მოქმედებების ერთ-ერთი კლასიკური მაგალითია.

 


დღეს უკვე არავინ უარყოფს, რომ განვითარებულ ქვეყნებში ენერგოკრიზისის მთავარი მიზეზია ალტერნატიულ საწვავზე ზედმეტად ფორსირებული გადასვლა და ნახშირზე და ნავთობპროდუქტებზე მომუშავე ელექტროსადგურების მასობრივი დაკეტვა.

 


ეკონომიკა ეკოლოგიას ემსხვერპლა - მზის და ქარის ენერგიის იმედით ევროპაში ასობით ელექტროსადგური დაიკეტა და დღეს მათი თავიდან ამუშავება თითქმის შეუძლებელია.

 


„ბოლო ათწლეულის მანძილზე ბრიტანეთმა და ევროკავშირმა ასობით ნახშირის ელექტროსადგური დაკეტეს. ბრიტანეთში ასეთი ობიექტი სულ 2 დარჩა. ესპანეთმა თავისი ნახშირის სადგურების ნახევარი დაკეტა. ევროპამ განახლებადი ენერგიის გამომუშავებაზე ტრილიონობით დოლარი დახარჯეს. თუმცა, 2021 წელს ამ სტრატეგიამ წაიბორძიკა“ - წერს The Wall Street Journal.

 


2021 წელმა ნათლად დაადასტურა, რომ ალტერნატიული ენერგეტიკა ტრადიციული ენერგეტიკის ჩანაცვლებისთვის ჯერ მზადა არ არის - დღეს მსოფლიოში არ არსებობს მზის და ქარის სადგურების მიერ გამომუშავებული ენერგიის დიდი რაოდენობით შენახვისთვის საჭირო ტექნოლოგიები.

 


ამავე დროს ალტერნატიული ენერგეტიკისთვის სასიცოცხლოდ აუცილებელი მასალების მომპოვებლები ამბობენ, რომ მოხმარების მკვეთრი ზრდის შემთხვევაში ისინი მოთხოვნას ვერ დაეწევიან.


 


ასე რომ,  სწორედ „ეკოლოგიურად სუფთა ენერგიაზე გადასვლის სტრატეგია“ გახდა ენერგომატარებლებზე ფასების კრიტიკული ზრდის მიზეზი.

 


ქარის და მზის ელექტროსადგურები ბუნებრივ პირობებზე ზედმეტად დამოკიდებულია და ამიტომ მათი მუშაობს ძალზე არასტაბილურია, ხოლო მათ მიერ გამომუშავებული ენერგიის შენახვის შესაძლებლობები ძალიან შეზღუდულია.

 


ნებისმიერ გადაწყვეტილებას თავისი ასი აქვს და „ენერგეტიკული გადასვლა“ არა მხოლოდ ალტერნატიულ ენერგეტიკაზე გადასვლას, არამედ ტრადიციულ ენერგეტიკაში ახალი, უფრო მაღალი სტანდარტების დაწესებას გულისხმობს.

 


ამიტომაც ევროპის ქვეყნები იძულებულები გახდნენ ნახშირზე და ნავთობპროდუქტებზე მომუშავე ელექტროსადგურები დაეხურათ - ისინი ახალ, მაღალ სტანდარტებს არ აკმაყოფილებდნენ.

 


გარდა ამისა, „ეკოლოგიური ლობის“ ქმედებების წყალობით, ტრადიციული ენერგეტიკისთვის ინვესტიციებთან წვდომა მკვეთრად გაურთულდათ, რამაც მოპოვება შეამცირა. შესაძლოა, მწვანეები სწორედ ამ რეალობის მიღწევას ცდილობდნენ - ტრადიციული ენერგიის უკიდურეს ზრდას იმისთვის, რომ ბიზნესის მზის და ქარის ტექნოლოგიებზე გადასვლა დაჩქარდეს.

 


ევროპის გარდა ალტერნატიულმა ენერგეტიკამ კრიზისი ამერიკაში, კერძოდ, ტექსასში წარმოქმნა - მზის და ქარის ენერგიის გენერირებაში შეფერხებების გამო შტატის რამდენიმე ქალაქში ელექტროენერგიის მასობრივი გათიშვები მოხდა - კერძოდ, მზის და ქარის სადგურების გენერაცია 80 და 55%-ით შემცირდა, შესაბამისად.

 


კრიზისის დროს მზის და ქარის ელექტროსადგურების წვლილი ენერგომოხმარებაში 1%-მდე დავარდა.

 


ახლანდელი დეფიციტის აღმოფხვრა ადვილი არ იქნება - პოლიტიკოსების უგუნურმა გადაწყვეტილებებმა გამოიწვიეს დღევანდელი ვითარება და მის გამოსასწორებლად წლებია საჭირო.

 


ნავთობზე და გაზზე მოთხოვნა შეუქცევადად იზრდება, მზის და ქარის ენერგეტიკა მოლოდინებს ვერ ამართლებს, ხოლო Wood MacKenzie-ს ინფორმაციით, „მწვანე ინიციატივების“ გამო ნავთობის, გაზის და ნახშირის ახალი საბადოების აღმოჩენაში საჭიროზე ასობით მილიარდი დოლარით ნაკლები ინვესტიციები ჩაიდო.

 


ამას ერთ კვირაში ვერ გამოასწორებ. ჩვენ შეგვილია მივიდეთ დასკვნამდე, რომ ევროპაში და შტატებში მთავრობებმა ბუნების კანონები დაარღვიეს, შედეგად პოტენციური ენერგოკატასტროფა ისე ახლოსაა, როგორც არასდროს.

 





საქართველოში ყველის ძირითადი იმპორტიორი გერმანიაა

საქართველოში ყველის ძირითადი იმპორტიორი გერმანიაა
access_time2021-11-28 21:00:55
საქართველოდან ყველის ექსპორტი 41%-ით გაიზარდა. „საქსტატის“ მონაცემებით, 2021 წლის იანვარ-ოქტომბერში საქართველომ 101.9 ტონა ყველის ექსპორტში $642.6 ათასის შემოსავალი...

მატარებელი ფრთებით - განვითარების რა ეტაპზეა რკინიგზა მსოფლიოში

მატარებელი ფრთებით - განვითარების რა ეტაპზეა რკინიგზა მსოფლიოში
access_time2021-11-28 22:30:05
...

რატომაა აუცილებელი საპორტო სიმძლავრეების გაზრდა საქართველოსთვის

რატომაა აუცილებელი საპორტო სიმძლავრეების გაზრდა საქართველოსთვის
access_time2021-11-29 00:00:11
...

ქართული წვენების ექსპორტი გაიზარდა - შემოსავალი $8 მილიონს აჭარბებს

ქართული წვენების ექსპორტი გაიზარდა - შემოსავალი $8 მილიონს აჭარბებს
access_time2021-11-28 19:00:46
2021 წლის იანვარ-ოქტომბერში გასული წლის შესაბამის პერიოდთან შედარებით, საქართველომ ხილის და ბოსტნეულის წვენების ექსპორტი 22%-ით, 6.7 ათას ტონამდე გაზარდა. „საქსტატის“ მონაცემებით, $6.5 მილიონიდან $8.2 მილიონამდე გაიზარდა ექსპორტიდან მიღებული...

როგორ მუშაობს პროექტი ,,იმუშავე საქართველოდან“

როგორ მუშაობს პროექტი ,,იმუშავე საქართველოდან“
access_time2021-11-28 18:00:19
პროექტ ,,იმუშავე საქართველოდან“ ამოქმედებიდან დღემდე, 3129 უცხოელი დარეგისტრირდა, საიდანაც 501 აპლიკანტს უარი ეთქვა - ამის შესახებ საქართველოს ტურიზმისა და კურორტების ეროვნულ ადმინისტრაციაში განაცხადეს. უწყების ცნობით, ქვეყნაში უკვე შემოსულია 1 117 პირი, რაც პოტენციურად 6 თვის განმავლობაში 14 მლნ...


მსგავსი სიახლეები

up