რუსეთ-უკრაინის ომის დასრულების შემდეგ, ბორისპოლის საერთაშორისო აეროპორტის აღდგენაში სამხრეთ კორეული კომპანია Hyundai Engineering and Constructionი ჩაერთვება. ამის შესახებ The Korea Herald-ი იტყობინება.
შეთანხმების თანახმად, Hyundai E&C ბორისპოლის აეროპორტის ასაფრენ ბილიკებს და ახალ სატვირთო ტერმინალს განაახლებს.
კომპანია ამჟამად სატვირთო ტერმინალის მშენებლობის ტექნიკურ-ეკონომიკურ კვლევას ატარებს.
Hyundai E&C-მ განაცხადა, რომ გამოიყენებს იმ ტექნოლოგიებსა და გამოცდილებას, რომელიც ინჩეონის საერთაშორისო აეროპორტში, სინგაპურის ჩანგის აეროპორტსა და პერუს ჩინჩეროს საერთაშორისო აეროპორტში სამშენებლო პროექტებში მონაწილეობისას მიიღეს.
გავრცელებული ინფორმაციით, აეროპორტის გაფართოების პროექტთან ერთად, Hyundai E&C სხვა ინდუსტრიებში სარემონტო პროექტებსაც შეუერთდება.
„Hyundai E&C ითანამშრომლებს უკრაინასთან, რათა აღადგინოს არა მხოლოდ ქვეყნის სატრანსპორტო ინფრასტრუქტურა, მათ შორის აეროპორტები და რკინიგზა, არამედ მისი ენერგეტიკული ინფრასტრუქტურა“, - განაცხადა კომპანიის აღმასრულებელმა დირექტორმა იუნ იონგ ჯუნმა.
