Volkswagen (VW) სამუშაო საბჭომ და პროფკავშირმა გამოაცხადეს დეკემბრიდან გერმანიაში, კომპანიის ქარხნებში გაფიცვების შესაძლებლობის შესახებ – ამის შესახებ Financial Times.
სექტემბრის დასაწყისში VW-მ აცნობა IG Metall-ის პროფკავშირს, რომელიც წარმოადგენს მისი გერმანელი მუშაკების უმეტესობის ინტერესებს, რომ რიგი შრომითი ხელშეკრულებები, მათ შორის სამუშაო ადგილების 2029 წლამდე შენარჩუნების პროგრამა, შეწყდება მიმდინარე წლის ბოლოს. კომპანიის ხელშეკრულებები IG Metall-თან და მის სამუშაო საბჭოსთან დაახლოებით 30 წელი მოქმედებდა.
გარდა ამისა, VW განიხილავს გერმანიაში ქარხნების დახურვის შესაძლებლობას.
VW სამუშაო საბჭოს ხელმძღვანელმა დანიელა კავალომ 25 სექტემბერს 3000 თანამშრომლის შეხვედრაზე განაცხადა, რომ კომპანიის გეგმები სამუშაო ადგილების შემცირებისა და ქარხნების შესაძლო დახურვის შესახებ „არღვევს ისტორიულ ტაბუებს“. „მაგრამ თანამშრომლების რეაქცია ისეთივე ისტორიული იქნება”, - დაჰპირდა კავალო.
IG Metall-ის პროფკავშირი ემზადება ხელფასის შესახებ წლიური მოლაპარაკებების დასაწყებად VW-ის მენეჯმენტთან, რომლის მიზანია ხელფასის 7%-ით გაზრდა. პროფკავშირმა განაცხადა, რომ გაფიცვები შეიძლება 1 დეკემბრიდან დაიწყოს.
2024 წლის დასაწყისიდან VW-ის კაპიტალიზაცია 16%-ით შემცირდა.
