პრეზიდენტის ადმინისტრაციის მიერ გავრცელებული ინფორმაციით, ევროპარლამენტთან მიღწეული შეთანხმებით, საქართველოს პრეზიდენტი ევროპარლამენტს ბრიუსელში 31 მაისს მიმართავს. აღნიშნულთან დაკავშირებით საქართველოს პრეზიდენტმა ევროპარლამენტის პრეზიდენტის, რობერტა მეცოლას ოფიციალური წერილი 27 აპრილს მიიღო და პრეზიდენტის ადმინისტრაციამ ბრიუსელში ვიზიტის შესახებ მიმართვა მთავრობას 27 აპრილს გაუგზავნა.

პრეზიდენტის ადმინისტრაციის ინფორმაციით, სალომე ზურაბიშვილმა ბრიუსელში გამგზავრების შესახებ ნებართვის მისაღებად მთავრობას ჯერ კიდევ აპრილში მიმართა, თუმცა პასუხი მხოლოდ ახლა მიიღო. ამ  თემაზე კომენტარი პრემიერ-მინისტრმაც გააკეთა. „საქართველოს პრეზიდენტს ბრიუსელში წასვლის განაცხადი დაუკმაყოფილდება. ეს საკითხი ადმინისტრაციებს შორის უნდა წყდებოდეს და ამის საჯაროდ გამოტანა არასერიოზულია", - თქვა 19 მაისს პრემიერმა.