რუსეთი ე.წ. სამხრეთ ოსეთის თვითგამოცხადებული რესპუბლიკისგან პენსიონერების გარდაცვალების შემდეგ მათი ნათესავების მიერ მითვისებული პენსიების დაბრუნებას მოითხოვს.
ამის შესახებ რუსეთის მთავრობამ სახელმწიფო დუმას ოკუპირებულ რეგიონში მუდმივად მცხოვრები რუსეთის მოქალაქეების საპენსიო უზრუნველყოფის შესახებ მარიონეტულ რესპუბლიკასთან შეთანხმების ცვლილება წარუდგინა.
კანონპროექტის განმარტებით ბარათში წერია, რომ შეთანხმების შესრულებისთვის აქტუალურია ე.წ. სამხრეთ ოსეთის მხრიდან გარდაცვლილი პენსიონრების ჭარბი მითვისებული პენსიების დაბრუნება, რომელთა გარდაცვალების შესახებ ამის შესახებ მცოდნე პირებმა გვიან შეატყობინეს
კანონპროექტში წერია, რომ 2016 წლიდან 2024 წლის 30 სექტემბრამდე მითვისებული პენსიის ღირებულებამ 37 მილიონ რუბლს გადააჭარბა.
ცვლილების კანონპროექტი თვითგამოცხადებული რესპუბლიკის მხრიდან გარდაცვლილი პენსიონერების ნათესავების მიერ მითვისებული პენსიებისა და დანამატების დაბრუნებასა და "შესაბამისი დამნაშავე პირებისგან შესაბამისი თანხების რეგრესის წესით ამოღების მომავალ შესაძლებლობას" გულისხმობს.
გარდა ამისა, ცვლილება რუსულ მხარეს ნებისმიერი ვალდებულებისგან, ვალისგან და ბაჟისგან ათავისუფლებს, როდესაც რუსეთის საპენსიო და სოციალური დაზღვევის ფონდის თანამშრომლები მარიონეტულ რესპუბლიკაში იმყოფებიან.
წყარო: ტაბულა
