სამომხმარებლო ტექნიკის მაღაზიათა ქსელი Elit Electronics-ი საქართველოს საზღვრებს გასცდა და აზერბაიჯანში 30-წლიანი გამოცდილების მქონე Optimal-ის ქსელი შეიძინა. ამის შესახებ Elit Electronics-ის გენერალურმა დირექტორმა, ლადო ჯობავამ, BMG-ის განუცხადა.
“Elit Electronics-ის ახალმა კონცეფციამ ამიერკავკასიაში ჩვენს გაფართოებას დაუდო საფუძველი. გადავწყვიტეთ, რომ შევსულიყავით აზერბაიჯანის ბაზარზე, სადაც შევიძინეთ მაღაზიათა ქსელი, რომელსაც 30-წლიანი გამოცდილება ჰქონდა და მათთან ერთად, დარწმუნებულები ვართ, იქაც შევქმნით განსაკუთრებულ ღირებულებებს მომხმარებლებისთვის. კომპანიას, რომლითაც ჩვენ ვოპერირებთ აზერბაიჯანის ბაზარზე, Elit Optimal ერქმევა”, - ამბობს ლადო ჯობავა და დასძენს, რომ აზერბაიჯანში ახალი ქსელი 30 მაღაზიას მოიცავს, თუმცა კომპანია ამ რიცხვის 40-მდე გაზრდას გეგმავს.
bm.ge
