უმსხვილესმა ბრიტანულმა სასურსათო რითეილერმა Tesco Plc-მ გააუმჯობესა პროგნოზი 2025 ფინანსური წლისთვის და აღნიშნა გაყიდვების მოცულობის ზრდა ფინანსური წლის პირველ ნახევარში.
კომპანიის ახალი პროგნოზის მიხედვით, საოპერაციო მოგება ერთჯერადი ფაქტორების გამოკლებით, რაც მისი ოპერაციების მთავარი მაჩვენებელია (ტესკო ბანკის გამოკლებით), ამ ფისკალურ წელს მიაღწევს 2,9 მილიარდ ფუნტს (3,85 მილიარდი აშშ დოლარი). ადრე, Tesco ელოდა, რომ ეს მაჩვენებელი 2,8 მილიარდ ფუნტს შეადგენდა.
თავად კომპანიის მიერ შეგროვებული ანალიტიკოსების კონსენსუსის პროგნოზით, კორექტირებული საოპერაციო მოგება მიმდინარე ფისკალურ წელს 2,94 მილიარდ ფუნტს მიაღწევს. წლის პირველ ფინანსურ ნახევარში, რომელიც 24 აგვისტოს დასრულდა, ეს მაჩვენებელი 10%-ით გაიზარდა და 1,56 მლრდ ფუნტი სტერლინგი შეადგინა. Tesco-ს მოგება გადასახადამდე ამ პერიოდში გაიზარდა 20%-ით 1,39 მილიარდ ფუნტამდე, ხოლო შემოსავალი გაიზარდა 3%-ით 34,77 მილიარდ ფუნტამდე.
„მნიშვნელოვანმა ინვესტიციებმა, რომლებსაც ჩვენ ვაკეთებთ ხარისხსა და მომსახურებაში, უზრუნველყვეს გაყიდვების მოსალოდნელზე ძლიერი ზრდა წლის პირველ ნახევარში“, - თქვა ტესკომ პრესრელიზში.
რითეილერის გაყიდვები გაიზარდა 4%-ით, ხოლო შედარებითი გაყიდვები გაიზარდა 2,9%-ით.
კომპანიის წილი ბრიტანული სურსათის გაყიდვების ბაზარზე დაახლოებით 27,8%-ია.
2024 წლის დასაწყისიდან Tesco-ს კაპიტალიზაცია 23%-ით გაიზარდა.
