უკრაინას შეუძლია გახდეს ალიანსის წევრი მანამ, სანამ რუს დამპყრობლებს დაამარცხებს, რადგან ომის ფორმალური დასრულება უკრაინის ნატოში შესვლის მკაცრი პირობა არ არის“, - ამის შესახებ პენტაგონის ხელმძღვანელის ყოფილმა თანაშემწემ ნატოსთან ურთიერთობის საკითხებში და ტრანსატლანტიკური უსაფრთხოების პროგრამის წამყვანმა ექსპერტმა ვაშინგტონში ჯიმ თაუნსენდმა განაცხადა.
ექსპერტის აზრით, უკრაინის მომავალი უსაფრთხოების მართლაც სერიოზული გარანტია მხოლოდ ჩრდილოატლანტიკურ ალიანსში სრულფასოვანი წევრობა შეიძლება იყოს. ამავდროულად, უკრაინის ალიანსში შესვლის შესახებ გადაწყვეტილების გადადებამ იმ საფუძველზე, რომ რუსეთთან ომი ფორმალურად არ დასრულებულა, შესაძლოა აიძულოს რუსეთის ფედერაცია მისი დამარცხების აღიარება მაქსიმალურად გადადოს.
„საუკეთესო ვარიანტი, რა თქმა უნდა, იქნება რუსეთის სრული დამარცხება, მაგრამ მაშინაც კი, თუ ეს არ მოხდება და რუსეთის ფედერაცია არ აღიარებს დამარცხებას საომარი მოქმედებების დასრულების შემდეგ, შეიძლება მაინც იყოს სიტუაცია, როდესაც ალიანსი უფრო განწყობილი იქნება მიიღოს უკრაინა, ვიდრე ეს არის ახლა“, - აღნიშნა მან.
მისი აზრით, ვილნიუსის ნატოს სამიტიდან უკრაინის ალიანსში მოწვევის გადამწყვეტ ნაბიჯს არ უნდა ველოდოთ, მაგრამ სავსებით შესაძლებელია, რომ მისი წევრობის გზა დაზუსტდება.
ნატოს ლიდერების სამიტი ვილნიუსში 11-12 ივლისს გაიმართება.
უკრაინამ ნატოში გაწევრიანების დაჩქარებული პროცედურის მოთხოვნა ოფიციალურად 2022 წლის სექტემბერში წარადგინა.
