Nike-ის აქციების ფასი 3.8%-ით, $33.80-მდე შემცირდა და 2013 წლის შემდეგ ყველაზე დაბალ ნიშნულზე ჩამოვიდა.
ვარდნა კომპანიის 2026 წლის პირველი კვარტლის შედეგებს მოჰყვა. Nike-ის შემოსავალმა $11.2 მილიარდი შეადგინა, რაც ანალიტიკოსების პროგნოზზე დაბალია. კომპანიაში კლება ჩინეთის, ახლო აღმოსავლეთისა და აფრიკის ბაზრებზე გაყიდვების შემცირებას უკავშირდება.
Nike-ის პროგნოზით, 2027 ფისკალურ წელს შემოსავლები მაღალი ერთნიშნა პროცენტული მაჩვენებლით შემცირდება. კომპანია ხარჯების ოპტიმიზაციასა და საქმიანობის ახალი მოდელის დანერგვას გეგმავს, რაც სამუშაო ადგილების შემცირებასაც ითვალისწინებს.
