საქართველოს კალათბურთელთა ნაკრები ევრობასკეტზე საბერძნეთთან 53:94 დამარცხდა. ნამატჩევს საინტერესო კომენტარი გააკეთა ჩვენი გუნდის მთავარმა მწვრთნელმა, ალექსანდრ ჯიკიჩმა:
„მატჩის წინ ასარჩევად ორი ვარიანტი გვქონდა: ან საბერძნეთთან ბოლომდე გვებრძოლა და მთელი ენერგია ჩაგვედო. ან გვეფიქრა ჯანმრთელობაზე, ენერგიის დაზოგვაზე და აქცენტი გადაგვეტანა ბოლო ორი მატჩის მოგებაზე (ბოსნია-ჰერცეგოვინასა და კვიპროსთან). მე მეორე გზა ავირჩიე.
თამაში ცუდი სანახავი გამოვიდა? დიახ, ასე იყო. არც მე მომწონს და არც ჩემს კალათბურთელებს, მაგრამ ეს გზა ავირჩიეთ. ისიც მინდა, აღვნიშნო, რომ საბერძნეთთან ძალების 100 პროცენტით კონცენტრირება არ იძლეოდა იმის გარანტიას, რომ გავიმარჯვებდით. გავუფრთხილდით ჩვენი მოთამაშეების ენერგიას, მოვერიდეთ ტრავმებს.
დავისვენებთ და მოვემზადებით ბოსნია-ჰერცეგოვინასა და კვიპროსთან მატჩებისთვის“.
საქართველოს ნაკრები 2 სექტემბერს კვიპროსს ეთამაშება, 4 სექტემბერს – ბოსნია-ჰერცეგოვინას.
შეგახსენებთ, რომ ექვსგუნდიანი ჯგუფიდან მომდევნო ეტაპზე ოთხი გადის. საქართველოს ერთი მოგება აქვს.
