ესპანურმა ბიზნესპლატფორმამ, 2Playbook-მა, უეფას დოკუმენტებზე მიიღო წვდომა და გაარკვია, როგორ გადანაწილდა ჩემპიონთა ლიგის 2024/25 წლების გათამაშების ბიუჯეტი. ტურნირის გამარჯვებული “პარის სენ-ჟერმენი“ გახდა, რითაც 144.4 მილიონი ევრო მიიღეს. აღსანიშნავია ისიც, რომ ჩემპიონთა ლიგის მოგებით პარიზელებმა უფრო დიდი თანხა გამოიმუშავეს, ვიდრე საფრანგეთის ლიგა 1-ის სატელევიზიო უფლებების გაყიდვიდან გასანაწილებელი თანხაა (142 მილიონი ევრო, რომელიც კლუბებმა უნდა გაინაწილონ).

ვიცე-ჩემპიონმა “ინტერმა” 136.6 მილიონი ევრო დაისაკუთრა. მესამე ადგილზე “არსენალი“ მოდის - 117 მილიონი ევროთი, ხოლო “ბარსელონამ“ და “რეალმა“ 116.6 და 101.8 მილიონი ევრო მიიღეს.
ჩემპიონთა ლიგის გასული სეზონის მთლიანი ბიუჯეტი 2.467 მილიარდი ევრო იყო. ევროპა ლიგის ბიუჯეტმა კი მხოლოდ 565.3 მილიონი ევრო შეადგინა. “ტოტენჰემმა“, რომელმაც ფინალში “მანჩესტერ იუნაიტედი“ დაამარცხა, ჩემპიონთა ლიგის გამარჯვებულ “პსჟ”-ზე 100 მილიონით ნაკლები - 41.4 მილიონი გამოიმუშავა.

bm.ge