Nestlé ცდილობს, GLP-1 ტიპის წონის დასაკლები პრეპარატების პოპულარობა ახალ ბიზნესშესაძლებლობად აქციოს. კომპანია გეგმავს შექმნას პროდუქტები, რომლებიც Ozempic-სა თუ Wegovy-ს მილიონობით მომხმარებლისთვის იქნება აქტუალური.
Novo Nordisk-ისა და Eli Lilly-ის მიერ წარმოებული პრეპარატების პოპულარობის ზრდამ ინვესტორებში გააჩინა შიში, რომ მადის დამთრგუნველმა მედიკამენტებმა შესაძლოა გრძელვადიანად შეამციროს მოთხოვნა შეფუთულ საკვებზე, წასახემსებელ პროდუქტებსა და სასმელებზე.
თუმცა Nestlé ამ ტენდენციაში განსხვავებულ შესაძლებლობას ხედავს: მან გადაწყვიტა, შექმნას საკვები წონის სწრაფი კლების შედეგად წარმოქმნილი პრობლემების შესამსუბუქებლად.
კომპანიის ტექნოლოგიების მთავარმა ოფიცერმა, შტეფან პალცერმა, Reuters-ს განუცხადა, რომ Nestlé ხელოვნურ ინტელექტსა და სხვა ტექნოლოგიებს იყენებს კლინიკური კვლევების გასაანალიზებლად და GLP-1 პრეპარატების მომხმარებლებისთვიზე მორგებული პროდუქტების შესაქმნელად. მისი თქმით, ეს კომპანიისთვის „უზარმაზარი შესაძლებლობაა“.
jandacva.ge
