აშშ-ის სენატმა კევინ უორში ფედერალური რეზერვის ახალ ხელმძღვანელად დაამტკიცა. Financial Times-ის ცნობით, ის ჯერომ პაუელს შეცვლის.
საკანონმდებლო ორგანოში კენჭისყრისას მის კანდიდატურას მხარი 54 სენატორმა დაუჭირა, 45 კი წინააღმდეგი იყო. ის პრეზიდენტმა დონალდ ტრამპმა წარადგინა.
ფედერალური რეზერვი განსაზღვრავს აშშ-ის მონეტარულ პოლიტიკას, რომელიც გავლენას ახდენს გლობალურ ეკონომიკაზე, დოლარის გაცვლით კურსზე, ინფლაციასა და გლობალურ ფინანსურ ბაზრებზე. ახალი ხელმძღვანელის დანიშვნამ შესაძლოა გავლენა მოახდინოს კრიპტოვალუტის ბაზარზეც.
