15-მდე კომპანია პოლონეთიდან, ავსტრიიდან და გერმანიიდან უკვე შეთანხმდა იმაზე, რომ ირპინში მომავალ ინდუსტრიულ პარკში თავიანთი წარმოებებს გახსნიან. ამის შესახებ ირპინის მერმა ალექსანდრე მარკუშინმა Ukrinform-თან ინტერვიუში განაცხადა.
მან აღნიშნა, რომ ერთ-ერთი ასეთი სტრუქტურა არის მსხვილი კომპანია Ecosoft, რომელსაც სურს გააფართოოს თავისი წარმოების შესაძლებლობები. გარდა ამისა, უკრაინაში რუსეთის შეჭრამდე, ქალაქის ხელისუფლებას კომუნიკაცია ჰქონდა Philips-სთან, ქალაქში მათი წარმოების მშენებლობასთან დაკავშირებით. ასევე, ირპინის ხელისუფლება ინდუსტრიულ პარკში წარმოების გახსნას სთავაზობს კომპანია Ajax-ს რომელიც სპეციალიზებულია სიგნალიზაციის წარმოებაში.
ტექნოპარკი განთავსდება სახელმწიფო მიწაზე სამი მთავარ გზის - ვარშავსკის, ჟიტომირსკისა და ნოვოირპენსკის მაგისტრალების მახლობლად. ქალაქის ხელისუფლება პროექტის განსახორციელებლად ირპინსა და სოფელ მიხაილოვკა-რუბეჟოვკას შორის 350 ჰექტარი სახელმწიფო დანიშნულების მიწის ნაკვეთის გამოყოფას გეგმავს. საწარმოო ობიექტების გარდა, ტექნოპარკის ტერიტორიაზე დაგეგმილია საოფისე ცენტრის, მაღაზიების, ვერტმფრენების მოედნის და საცხოვრებელი ფართების აშენება იქ მომუშავეთათვის.
