რომელია საქართველოში ყველაზე დიდი ბრუნვის 5 დამკრძალავი ბიურო. საქსტატის მიერ „კომერსანტისთვის“ მიწოდებული ინფორმაციის თანახმად, 2021-22 წლების და 2023 წლის პირველი 6 თვის მონაცემებით, ტოპ 5-ში მუდმივად იკავებდა ადგილს შპს „ქართული ტრადიციები 2011“, შპს „ჰერმესი“ და შპს „ლიდერი-2015“. რაც შეეხება ხუთეულის დანარჩენ 2 კომპანიას, 2021-ში ხუთეულში იყო შპს „გემა“ და ინდმეწარმე გიორგი ხეროდინაშვილი, რომლებიც 2022 წელს შპს „ლაშამ“ და შპს „2015“-მა ჩაანაცვლეს. 2023 წელს კი შპს „ლაშას“ ადგილი შპს „რემა ჯგუფმა“ დაიკავა.
მიმდინარე წლის ხუთეული ასე გამოიყურება (სია არ არის დალაგებული რეიტინგის მიხედვით)
- შპს „ქართული ტრადიციები 2011“
დაფუძნდა 2011 წელს. დირექტორი - იოსები კუჭავა. 100% წილის მფლობელი -თვითმმართველი ქალაქი ქუთაისის მუნიციპალიტეტი - შპს „ჰერმესი“
დაფუძნდა 1997 წელს. დირექტორი - ნოდარ რაზმაძე. 100% წილის მფლობელი - საჯარო სამართლის იურიდიული პირი ქალაქ თბილისის მუნიციპალიტეტი - შპს „რემა ჯგუფი“
დაფუძნდა 2015 წელს. დირექტორი და 100%-იანი წილის მფლობელი ასლან კოჩალიძე - შპს „2015“
დაფუძნდა 2015 წელს, დირექტორი და 100%-იანი წილის მფლობელი ეკატერინა დუმბაძე - შპს „ლიდერი-2015“
დაფუძნდა 2015 წელს, დირექტორი და 100%-იანი წილის მფლობელი ნუგზარ რიჟვაძე.
აღსანიშნავია, რომ ხუთეულში შპს „ქართული ტრადიციები 2011“-სა და შპს „ჰერმესის“ გარდა, დანარჩენი 3 კომპანია აჭარის ტერიტორიაზეა დარეგისტრირებული.
რაც შეეხება ხუთეულიდან გასულ კომპანიებს
- შპს „გემა“
დაფუძნებულია 2004 წელს. დირექტორი ალექსანდრე ქავთარაძე. 100%-იანი წილის მფლობელი ქალაქ რუსთავის მუნიციპალიტეტი. - ინდმეწარმე გიორგი ხეროდინაშვილმა რეგისტრაცია 1999 წელს გაიარა. სახელწოდებით გიორგი ხეროდინაშვილი ჰადესი.
- შპს „ლაშა“
დაფუძნდა 2013 წელს. დირექტორი და 100%-იანი წილის მფლობელი გიორგი გაჩეჩილაძე.
