ხელოვნური ინტელექტის ბუმის წყალობით, მსოფლიოს უმდიდრესი ადამიანების ქონება $150 მილიარდზე მეტით გაიზარდა. ამის შესახებ Business Insider-ი იტყობინება.
პუბლიკაცია განმარტავს, რომ ChatGPT-ის ინსტრუმენტისადმი ინტერესის ზრდა სწრაფად გავრცელდა ბაზრებზე. ცნობილი ინვესტორები იმ კომპანიების აქციების მოპოვებას ჩქარობენ, რომლებიც AI-ს ზრდას შეუწყობენ ხელს.
კერძოდ, მსხვილმა ტექნიკურმა გიგანტებმა, როგორიცაა Meta Platforms და Nvidia, უკვე მიაღწიეს სამნიშნა მოგებას ხელოვნური ინტელექტის ბუმის წყალობით. ასევე გაიზარდა Microsoft-ის, Google Alphabet-ისა და Oracle-ის მშობელი კომპანიის კაპიტალიზაცია.
„ეს 2023 წლის დასაწყისში მსოფლიოს უმდიდრეს ადამიანებს დაეხმარა, რომ კიდევ უფრო გამდიდრებულიყვნენ“, - წერს გამოცემა.
Meta-ს აქციები ხელოვნური ინტელექტის ზრდისა და ცუკერბერგის მიერ ხარჯების შემცირების წყალობით ყოველწლიურად 134%-ით გაიზარდა, რის შემდეგაც Facebook-ის დამფუძნებლის ქონებას 57 მლრდ დოლარზე მეტი დაემატა.
იმავდროულად, Oracle-ის დამფუძნებელმა ლარი ელისონმა ამ კვირის დასაწყისში უმდიდრესი ადამიანების რეიტინგში ბილ გეითსს გადაუსწრო. 2023 წელს მისი ქონება აქციების 55%-იანი ზრდის წყალობით, $47 მლრდ გაიზარდა .
თავად გეითსი, Microsoft-ის აქციების წყალობით, წელს $24 მლრდ-ით გამდიდრდა.
Bloomberg Index-ის მიხედვით, Nvidia-ს დამფუძნებელმა ჯენსენ ჰუანგმა ქონება $24 მლრდ-ით გაზარდა. Insider-ის გათვლებით, 2023 წელს მდიდარი ადამიანების ქონება $150 მლრდ-ზე მეტით გაიზარდა.
