საქართველოს ფოსტის გენერალური დირექტორი ლევან ჩიკვაიძე, ევროპის საფოსტო ასოციაციის PostEurop-ის გენერალურ ასამბლეაში მონაწილეობს, რომელიც მიმდინარე წლის 15-17 ოქტომბერს, სერბეთში, ქალაქ ბელგრადში იმართება. აღსანიშნავია, რომ ასამბლეაზე განიხილება ევროპის საფოსტო ოპერატორებს შორის მჭიდრო თანამშრომლობის უზრუნველყოფისა და საფოსტო სექტორის სტრატეგიის საკითხები, ასევე, ევროპული კავშირის გაფართოების მიზნები და შესაძლებლობები.
მნიშვნელოვანია, რომ საქართველოს ფოსტის გენერალური დირექტორი ლევან ჩიკვაიძე, ასოციაციის დირექტორთა საბჭოს წევრად 2025 წლის ჩათვლით არის არჩეული. ასევე, ლევან ჩიკვაიძე საბჭოში არსებული სტრატეგიული კომიტეტისა და საუკეთესო პრაქტიკის კომიტეტის წევრია.
ევროპის საფოსტო ასოციაციის PostEurop - ის საბჭო 11 წევრისგან შედგება. ასამბლეაზე, საქართველოსთან ერთად, საბჭოს წევრები არიან შემდეგი ქვეყნების საფოსტო ოპერატორების წარმომადგენლები: შვეიცარია, ინგლისი, გერმანია, საფრანგეთი, ესპანეთი, ჰოლანდია, პოლონეთი, თურქეთი, ნორვეგია, ავსტრია.
ევროპის საფოსტო ასოციაცია PostEurop აერთიანებს 53 ევროპული ქვეყნის 54 საფოსტო ოპერატორს და უზრუნველყოფს ქვეყნებს შორის მჭიდრო თანამშრომლობასა და მდგრად განვითარებას. ორგანიზაცია იმართება დირექტორთა საბჭოს მიერ, რომელიც საოპერაციო დონეზე უზრუნველყოფს საფოსტო სექტორის სტრატეგიის განხორციელებას.
საქართველოს ფოსტის გენერალური დირექტორი ლევან ჩიკვაიძე, ევროპის საფოსტო ასოციაციის PostEurop-ის გენერალურ ასამბლეაში მონაწილეობს

ცდუნებები ადრეც იყო, ახლაც არის და მომავალშიც იქნება, მთავარია, როგორ რეაგირებს ჩვენი ინსტიტუციები - მიხეილ ყაველაშვილი
ეს ვითომდა ანტიკორუფციული ძალისხმევა რეჟიმის შიდაკლანური დაპირისპირების ერთ-ერთი ინსტრუმენტია - გრიგოლ გეგელია
თუ ბურჭულაძე ივანიშვილს ფულს არ მიუტანს, გაიზიარებს მისი მოადგილის და ნათესავის ბედს - ლევან ხაბეიშვილი
„გარანტირებული“ ₾1.3 მილიონი - რა ვიცით თავდაცვის ექს-მინისტრ ბურჭულაძის გარემოცვის დაკავებაზე
„ოცნება“ ღიად და ოფიციალურად დაკავდა ოთხზე ხოხვით რუსეთისკენ სიარულში - გეგელია