კომუნიკაციების კომისიამ „ტელეიმედს“, „სტუდია მაესტროს“, „პოსტვ-ს“, „ფორმულას“, ასევე, „საზოგადოებრივ მაუწყებელს“, „ტელეკომპანია პირველს“, „ტელეკომპანია კავკასიას“, „პალიტრანიუსს“ „მედია ჰოლდინგ ჯორჯიან თაიმზს“ და „სილქ მედიას“ სამართალდარღვევათა ოქმები შეუდგინა, თუმცა,მაუწყებლების მიერ სხდომაზე წარმოდგენილი არგუმენტაციის შესაბამისად, სასამართლოს მათი ფინანსური სანქციებისგან გათავისუფლების თაობაზეშუამდგომლობით მიმართა.
„ტელეიმედმა“, „სტუდია მაესტრომ“, „პოსტვ“-იმ და „ფორმულამ“, საზოგადოებრივი აზრის კვლევის შედეგები კენჭისყრამდე 48 საათამდე პერიოდში(კანონით დადგენილი ე.წ. „სიჩუმის პერიოდი“) გააშუქეს, ხოლო „საზოგადოებრივმა მაუწყებელმა“, „ტელეკომპანია პირველმა“, „ტელეკომპანია კავკასიამ“, „პალიტრანიუსმა“, „მედია ჰოლდინგ ჯორჯიან თაიმზმა“ და „სილქ მედიამ“, საზოგადოებრივი აზრის კვლევის გაშუქებისას ინფორმაცია სრულად არ მიუთითეს.კერძოდ, „საქართველოს საარჩევნო კოდექსის“ თანახმად, მაუწყებლებს ეკრძალებათ კენჭისყრამდე 48 საათის განმავლობაში და კენჭისყრის დღეს 20საათამდე არჩევნებთან დაკავშირებული საზოგადოებრივი აზრის გამოკითხვის შედეგების გაშუქება. გარდა ამისა, საზოგადოებრივი აზრის გამოკითხვისშედეგების გაშუქებისას, მაუწყებელი ვალდებულია მიუთითოს გამოკითხვის დამკვეთი, გამოკითხვა ფასიანია თუ უფასო, ორგანიზაცია, რომელმაც ჩაატარაგამოკითხვა, გამოკითხვის თარიღი, მეთოდი, გამოკითხვაში გამოყენებული კითხვების ზუსტი ფორმულირება და შესაძლო ცდომილების ფარგლები.
კომუნიკაციების კომისიამ მაუწყებლებს სამართალდარღვევათა ოქმები შეუდგინა და სასამართლოს მათი პასუხისმგებლობისგან გათავისუფლების თაობაზეშუამდგომლობით მიმართა.
