საწვავის ექსპორტის შემდეგ, რუსეთს პრობლემები ხე-ტყის გასაღებასთან დაკავშირებითაც შეექმნათ. რუსეთის ხე-ტყის ინდუსტრია სანქციების გავლენის შედეგად ჩამოშლის პირასაა, ხოლო კომპანიები თავიანთი პროდუქციის ახალი ბაზრებისთვის იბრძვიან - ამის შეხარის Daily Express წერს.
გამოცემის ბოლო მონაცემებით, ხე-ტყის რუსულმა კომპანიებმა სანქციების შედეგად საექსპორტო ბაზრის მესამედი დაკარგეს.
Daily Express-ის ცნობით, ბოლო სექტორი, რომელმაც ეკონომიკური სირთულეები განიცადა, რუსეთის ხე-ტყის მრეწველობაა. კერძოდ, ახალი მაჩვენებლებით, ინდუსტრიამ, თითქმის, 5 მლრდ გირვანქა სტერლინგის (6.3 მლრდ დოლარის) საექსპორტო შემოსავლები მას შემდეგ დაკარგა, რაც ბაზრების მესამედზე წვდომა შეუჩერდა.
ტყის რესურსებით რუსეთი მსოფლიოში მეორე ადგილზეა, რომლის მარაგიც 82 მლრდ კუბური მეტრს შეადგენს.
ამასთან, გამოცემა tendata.com-ზე დაყრდნობით წერს, რომ რუსეთის ხე-ტყის მრეწველობის წლიური ღირებულება 25 მლრდ გირვანქა სტერლინგს (31.5 მლრდ დოლარს) აღემატება, რაც ქვეყნის მშპ-ის, დაახლოებით, 1%-ს შეადგენს.
“პუტინი მზარდი ეკონომიკური კრიზისის წინაშე დგას, რადგან ქვეყანა მთელი ძალით ცდილობს, მკაცრი სანქციების ორმაგ დარტყმასა და რეკორდულად მაღალ საპროცენტო განაკვეთებს (21%) გაუმკლავდეს, მითუმეტეს, ბანკის ოფიციალური პირები არ გამორიცხავენ განაკვეთის შემდგომ ზრდას ინფლაციის ზრდის შესაჩერებლად,” - წერს ბრიტანული გამოცემა.
რუსეთის დასანქცირების შემდეგ, [უკრაინის ომის დაწყების შემდეგ] საქართველოში რუსული ხე-ტყის იმპორტი გაზიარდა. სტატისტიკის ეროვნული სამსახურის მონაცემებით, 2022 წლამდე საქართველოში აღნიშნული ქვეყნიდან უმნიშვნელო მოცულობის შეშა შემოდიოდა, თუმცა ამ პერიოდიდან საკმაოდ გაიზარდა.
შედარებისთვის, სტატისტიკის მიხედვით, 2020 წელს საქართველოში 6 ტონა (460 აშშ დოლარი) ხე-ტყე შემოვიდა, 2021 წელს 20 ტონა ( 5 070 აშშ დოლარი), 2022 წელს 218.8 ტონა (59.6 ათასი აშშ დოლარი), 2023 წელს 2 369 ტონა (502.3 ათასი აშშ დოლარი), 2024 წელს 1 686 ტონა (362.9 ათასი აშშ დოლარი).
რაც შეეხება ზოგად სტატისტიკურ მონაცემებს, გასულ წელს საქართველომ ჯამში 6 456 ტონა (1.610 მლნ აშშ დოლარი) ხე-ტყის იმპორტი განახორციელა. საქსტატის მიხედვით, პროდუქტის ძირითადი იმპორტიორები იყვნენ: ბელარუსი, რუსეთი და გერმანია.
უფრო კონკრეტულად, 2024 წელს საქართველოში ხე-ტყის ყველაზე დიდი მოცულობის შემომტანი ქვეყნების ხუთეული ასეთია:
- ბელარუსი - 3 032 ტონა (579 ათასი აშშ დოლარი)
- რუსეთი - 1 686 ტონა (362.9 ათასი აშშ დოლარი)
- გერმანია - 1 172 ტონა (183.2 ათასი აშშ დოლარი)
- აშშ - 356.8 ტონა (15.3 ათასი აშშ დოლარი)
- თურქეთი - 88.2 ტონა (18 ათასი აშშ დოლარი)
ცნობისთვის, საწვავის ექსპორტის შემდეგ, რუსეთს პრობლემები ხე-ტყის გასაღებასთან დაკავშირებითაც შეექმნა. როგორც Daily Express წერს, რუსეთის ხე-ტყის ინდუსტრია სანქციების გავლენის შედეგად ჩამოშლის პირასაა, ხოლო კომპანიები თავიანთი პროდუქციის ახალი ბაზრებისთვის იბრძვიან.
გამოცემის ბოლო მონაცემებით, ხე-ტყის რუსულმა კომპანიებმა სანქციების შედეგად საექსპორტო ბაზრის მესამედი დაკარგეს.
Daily Express-ის ცნობით, ახალი მაჩვენებლებით, ინდუსტრიამ, თითქმის, 5 მლრდ გირვანქა სტერლინგის (6.3 მლრდ დოლარის) საექსპორტო შემოსავლები მას შემდეგ დაკარგა, რაც ბაზრების მესამედზე წვდომა შეუჩერდა.
