რუსულმა ონლაინ-რითეილერმა Ozon-მა 2026 წლის მესამე კვარტალში უკრაინული უპილოტო საფრენი აპარატების შეტევების შედეგად მიყენებული ზარალი 30,1 მილიარდ რუბლად (დაახლოებით 373 მილიონი აშშ დოლარი) შეაფასა.
კომპანიის მიერ ოთხშაბათს, 28 ოქტომბერს გამოქვეყნებული ივლის-სექტემბრის ფინანსური ანგარიშის თანახმად, 30-მილიარდიანი ზარალის ფონზე Ozon-ის წმინდა მოგებამ კვარტლის განმავლობაში 3,7 მილიარდი რუბლი შეადგინა.
რითეილერის განცხადებით, აგვისტოდან მოყოლებული დრონების დარტყმების შედეგად ხანძარი ლოგისტიკის 11 ობიექტზე გაჩნდა, რამაც შენობებისა და საქონლის სხვადასხვა ხარისხის დაზიანება გამოიწვია.
„კომპანიის რისკების მხოლოდ ნაწილი იყო დაზღვეული. ამ ეტაპზე სადაზღვევო კომპანიებთან მიმდინარეობს მოლაპარაკებები ზარალის ანაზღაურების თაობაზე“, — აღნიშნულია Ozon-ის ოფიციალურ განცხადებაში.
