ბერლინის ცის უსაფრთხოებაზე დღეიდან „Arrow-3“ დაიცავს- გერმანიამ ისრაელის წარმოებული სტრატეგიული ანტისარაკეტო სისტემა ოფიციალურად დაინსტალირა.
აღსანიშმავია, რომ საჰაერო-სარაკეტო თავდაცვის სისტემას- „Arrow-3“ ბალისტიკური რაკეტების ჩაჭრა და განადგურება მაღალი ატმოსფეროს ზღვის დონიდან ასობით კილომეტრის სიმაღლეზე შეუძლია.
რა უნდა ვიცოდეთ ბერლინის ახალ "გუშაგზე":
- •„Arrow-3“ პირველად გაიყიდა ისრაელის ფარგლებს გარეთ, რაც ისრაელის სამხედრო ინდუსტრიისთვის უპრეცედენტო ნაბიჯია.
- •გერმანია სისტემას იყენებს რუსული საფრთხის წინააღმდეგ ეროვნული მზადყოფნის გასაძლიერებლად.
- •შეთანხმება განიხილება როგორც ისრაელ–გერმანიის სამხედრო პარტნიორობის უმაღლესი ნიშნული, რომელიც ორ ქვეყანას სტრატეგიულ დონეზე აერთიანებს.
- •კომპლექსი მნიშვნელოვნად ზრდის გერმანიის საჰაერო ფარს, განსაკუთრებული აქცენტით ბერლინის სტრატეგიული ინფრასტრუქტურის დაცვაზე.
ექსპერტების აზრით, „Arrow-3“-ის ოპერაციაში ჩართვა ევროპული უსაფრთხოების არქიტექტურის ერთ-ერთ უმნიშვნელოვანეს განახლებად ითვლება, განსაკუთრებით იმ ფონზე, როცა დასავალური სამყარო რუსეთის შესაძლო თავდასხმას რეალურად სულ უფრო და უფრო განიხილავს.
