ნავთობი, ტარიფები და AI - რა აღვიძებს მსოფლიოში ინფლაციის შიშს?
ენერგორესურსების გაძვირებამ, შეერთებული შტატების ახალმა ტარიფებმა და ხელოვნურ ინტელექტში სწრაფად მზარდმა ინვესტიციებმა ინვესტორებს ინფლაციის დაბრუნების საფრთხე კიდევ ერთხელ შეახსენა.
ახლო აღმოსავლეთში ძალადობის გამწვავების ფონზე ნავთობის ფასმა ბარელზე 100 დოლარს გადააჭარბა. ეს გლობალური მიწოდების ჯაჭვების ხარჯებს გაზრდის, რადგან ძვირდება არა მხოლოდ საწვავი, არამედ პროდუქციის წარმოება და ტრანსპორტირებაც.
ამას ემატება აშშ-ის პრეზიდენტ დონალდ ტრამპის მიერ სავაჭრო ტარიფების ხელახლა გაფართოება. იმპორტის გაძვირებამ შესაძლოა კომპანიები აიძულოს, დამატებითი ხარჯები მომხმარებლებს გადააკისრონ, რაც საქონლის ფასებს კიდევ უფრო გაზრდის.
ინფლაციის კიდევ ერთ შესაძლო წყაროდ ხელოვნური ინტელექტის სფეროში მიმდინარე მასშტაბური საინვესტიციო ბუმი სახელდება. ტექნოლოგიური კომპანიები მონაცემთა ცენტრებში, ჩიპებში, ენერგეტიკულ ინფრასტრუქტურასა და ელექტროგადამცემ ქსელებში სულ უფრო მეტ თანხას ხარჯავენ. გაზრდილი მოთხოვნა აძვირებს როგორც ტექნოლოგიურ მოწყობილობებს, ისე ელექტროენერგიასა და ინფრასტრუქტურის მშენებლობას.
ამ სამი ფაქტორის — ძვირი ნავთობის, ახალი ტარიფებისა და AI-ში უზარმაზარი ინვესტიციების — ერთდროულად მოქმედება მსოფლიო ეკონომიკისთვის განსაკუთრებით მგრძნობიარე დროს ხდება. ცენტრალური ბანკები ინფლაციური ზეწოლის შესუსტებას ელოდებოდნენ, თუმცა ახალი რისკები საპროცენტო განაკვეთების შემცირების პროცესს გაართულებს და შესაძლოა მონეტარული პოლიტიკის უფრო ხანგრძლივად გამკაცრება გახდეს საჭირო.
წყარო: Bloomberg
Global Inflation Angst Is Back on $100 Oil and More Tariffs
