დღის TOP 10 საინტერესო ამბავი:

1.       როგორი იქნება მომდევნო პანდემია – ჩრდილოეთ კაროლინის უნივერსიტეტის ქართველი პროფესორის საინტერესო ხედვები

ახალი კორონავირუსის შემთხვევაში, შეიძლება ითქვას, რომ გაგვიმართლა. გაგვიმართლა როგორც ლეტალობის, ისე იმ თვალსაზრისით, რომ ვირუსი ბავშვებს თითქმის არ შეხებია. ბუნებაში და ლაბორატორიებში გაცილებით საშიში ვირუსებიც არსებობს.

2. კომერსანტის ექსკლუზივი: წყალტუბოს გენერალური გეგმის კონცეფცია შემუშავებულია

წყალტუბოს გენერალური გეგმის კონცეფცია შემუშავებულია. კურორტის მასშტაბური განვითარების იდეის დაანონსებიდან წელიწად-ნახევრის შემდეგ დოკუმენტი მზადაა.  „კომერსანტი“ გაგაცნობთ, როგორია ქალაქის განვითარების კონცეფცია და ფუნქციური გამრავალფეროვნების გეგმა.

3. „ლოპოტა სპა რეზორტი“ საქართველოში კონკურენტებს ვერ ხედავს

„ლოპოტა სპა რეზორტის“ გენერალურმა მენეჯერმა მაკა ღლიღვაშვილმა „კომერსანტთან“ საუბრისას კახეთის რეგიონში სასტუმროების მიმართულებით კონკურენცია შეაფასა და აღნიშნა, რომ „ლოპოტა სპა რეზორტი“ რეგიონში არსებულ სასტუმროებთან შედარებით ბევრად დიდი ობიექტია და მათ კონკურენტად თავს არ განიხილავს.

4. „თოლიას“  გაყიდვები პანდემიურ პერიოდში  12%-ით გაიზარდა

როგორც  კომპანია „თოლიას“ მარკეტინგის მენეჯერი სანდრო ლომთაძე ,,კომერსანტთან“ ამბობს, მიმდინარე სეზონზე, 2020–ის ზაფხულთან შედარებით, დაახლოებით 12%-ით მოიმატა ,,თოლიას“ გაყიდვებმა.

5. „მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

იმ შემთხვევაში, თუ სტუმართ-მასპინძლობის სექტორი კოვიდ-სტატუსის დასადგენად შექმნილ სპეციალური აპლიკაციას წარმატებით გამოიყენებს და რესტორანი მხოლოდ ვაქცინირებულ, სწრაფი და PCR ტესტის მქონე მომხმარებლებს მიიღებს, ობიექტი დაწესებული შეზღუდვებისგან გათავისუფლდება.

6. დასაქმებულთა 75%-ის შრომის ანაზღაურება 1000 ლარზე ნაკლებია

საქართველოში დასაქმებული მოქალაქეების უდიდეს ნაწილს, თითქმის 75%-ს, იმაზე ბევრად ნაკლები შრომის ანაზღაურება აქვს, ვიდრე საშუალო ხელფასის ოფიციალური მაჩვენებელია ქვეყანაში.

7. ევროკავშირი უკრაინას 600 მლნ ევროს გამოუყოფს – ბელარუსის სახელმწიფო ბანკებს ევროპაში ანგარიშები დაუხურეს

ბელარუსის ლიდერის მიერ Ryanair–ის ავიარეისების მინსკში იძულებით დაშვებისა და რეპრესიების საპასუხოდ ევროკავშირმა და ამერიკამ პირველი სისტემური დარტყმა ქვეყნის საბანკო სექტორზე მიიტანა.

8. ყველაზე მეტად საქართველოში აგრარული პროდუქცია ძვირდება

ქართულ დახლებზე ერთ-ერთი ყველაზე ,,ცხელი პერიოდია“ – როგორც სპეციალისტები აღნიშნავენ, სოფლის მეურნეობის პროდუქტი ასეთი ძვირი არასდროს ყოფილა. უმეტესწილად, ამის მიზეზად გლობალური ფაქტორი მიიჩნევა - ფასების გაუაზრებელი ზრდის ტენდენცია, რასაც საქართველოს შემთხვევაში ამა თუ იმ პროდუქტის დეფიციტიც განაპირობებს.

9.   The Telegraph: „გაზპრომი“ ევროპაზე ზეწოლას აძლიერებს

რუსეთმა, რომელსაც ახალი გაზსადენის ამუშავება თავისი პირობებით სურს, გაზის მიწოდება ევროპაში შეამცირა, პარალელურად გათხევადებული გაზის დიდი ნაკადები აზიაში, განსაკუთრებით ჩინეთში მიემართება.

10.  The Wall Street Journal: რა უნდა გაითვალისწინოთ უცხოეთში გამგზავრების წინ?

მოგზაურობა დღეს ბევრ სერიოზულ გამოწვევასთანაა დაკავშირებული, ამიტომაც, სანამ სადღაც გაემგზავრებით, დეტალურად შეისწავლეთ კონკრეტული ქვეყნის მოთხოვნები - წინააღმდეგ შემთხვევაში შესაძლოა უკან დაბრუნება მოგიწიოთ, თანაც საკუთარი ხარჯით.