„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

access_time2021-09-16 13:00:41

ბიზნესისა და სახელმწიფოს მოლაპარაკებები კოვიდ 19–ის გავრცელების წინააღმდეგ ბრძოლაში ახალ ეტაპზე გადადის. „მწვანე ზონების“ შექმნის ინიციატივით შრომის ინსპექციის სამსახურის ხელმძღვანელი ბექა ფერაძე რესტორატორებს შეხვდა. იმ შემთხვევაში, თუ სტუმართ-მასპინძლობის სექტორი კოვიდ-სტატუსის დასადგენად შექმნილ სპეციალური აპლიკაციას წარმატებით გამოიყენებს და რესტორანი მხოლოდ ვაქცინირებულ, სწრაფი და PCR ტესტის მქონე მომხმარებლებს მიიღებს, ობიექტი დაწესებული შეზღუდვებისგან გათავისუფლდება.

 


საკითხზე „კომერსანტის დილაში“ რესტორატორთა ასოციაციის ხელმძღვანელმა შოთა ბურჯანაძემ ისაუბრა. იგი ამბობს, რომ თუ საკოორდინაციო საბჭო „მწვანე ზონების“ შემქმნელი რესტორნებისთვის დაწესებულ შეზღუდვებს გააუქმებს, ბევრი რესტორანი და კაფე-ბარი უსაფრთხო სივრცეების შექმნას მარტივად გადაწყვეტს.

 


„იდეა, რომ რესტორნებში მწვანე ზონა უნდა შეიქმნას, დღეს სალაპარაკო არ უნდა იყოს. საზოგადოების ნაწილს აქვს აზრი, რომ კორონავირუსი რაღაც პერიოდის შემდეგ გაქრება. რეალურად, პრობლემა შეიძლება წლები გაგრძელდეს და ჩვენ წრეზე ვიტრიალებთ იქამდე, სანამ საზოგადოება დაავადებას ჯანმრთელად არ შეხვდება. ჯანმრთელად შეხვედრაში ვგულისხმობ ვაქცინაციას. სახელმწიფოს სარესტორნო სფეროს მიმართ აქვს შეთავაზება, რომ რესტორნებმა არაინფიცირებული სტუმრები მიიღონ და უსაფრთხო ზონა შექმნან, რა დროსაც მისული სტუმარიც და დამხვედრიც იქნება ვაქცინირებული, ან ბოლო 72 საათში ექნება PCR ტესტი გაკეთებული, ან ბოლო 24 საათში ექნება სწრაფი ტესტი გაკეთებული. ეს არის ძალიან ჯანსაღი იდეა, ადამიანი გადაწყვეტილებას მიიღებს წავიდეს თუ არა სადმე დასასვენებლად. თუმცა, მწვანე ზონას მარტო დადებითი მხარეები რომ ჰქონდეს აქამდეც შეიქმნებოდა. რამდენიმე ბიზნეს ოპერატორმა ეს უკვე განახორციელა, მაგრამ ეს არ არის საკმარისი. იმისთვის, რომ წამოწყებას ბიზნესი აჰყვეს ის რეგულაციები რომელიც დღესდღეობით არსებობს უნდა მოიხსნას. 10 საათამდე კი არ უნდა იყოს სამუშაო საათები, არამედ იქამდე, სადამდეც ბიზნეს ოპერატორი გადაწყვეტს. მაგიდასთან განსაზღვრული ადამიანების რაოდენობის შეზღუდვაც უნდა მოიხსნას. მწვანე ზონების შექმნის შემთხვევაში შესაძლებელი იქნება იმ ივენთების ჩატარება, რომელიც აკრძალულია, ქორწილების შემთხვევაში სწორი აღწერით, სტუმრების დათვლით, სახელით და გვარებით ღონისძიებას ჩავატარებთ“, - აცხადებს შოთა ბურჯანაძე.

 



რესტორატორთა ასოციაციის ხელმძღვანელი ამბობს, რომ „მწვანე ზონის“ შექმნის პარალელურად რესტორნები სტუმრების ნაწილს დაკარგავენ, სწორედ ამიტომ სექტორი საშემოსავლო გადასახადის დროებით გაუქმებას ითხოვს.

 


„შედარებით სკეპტიკურად იქნა აღქმული შეთავაზება, რომ ბიზნესი რამდენიმე თვით გათავისუფლდეს საშემოსავლო გადასახადისგან, რათა ჰქონდეს დამატებით ბიძგი ამ რთულ ვითარებაში. რეალურად მწვანე ზონის შექმნის გამო სტუმრების გარკვეულ რაოდენობას ჩვენ დავკარგავთ, რადგან დღეს ზრდასრული მოსახლეობის მხოლოდ 25 %-ია აცრილი. ამის პრეცედენტი ჩვენ უკვე გვქონდა, როდესაც სარესტორნო ბიზნესზე დიდი ზეწოლა იყო“, - განაცხადა შოთა ბურჯანაძემ.

 


შოთა ბურჯანაძე გვიყვება, რომ ბევრი ქვეყნისთვის საქართველო წითელი ზონაა, მისი თქმით, ქვეყანაში შექმნილი რთული ეპიდემიოლოგიური მდგომარეობის გამო ძალიან ბევრმა ტურისტმა ჯავშანი გააუქმა. რესტორატორთა ასოციაციის ხელმძღვანელი ამბობს, რომ იმ შემთხვევაში თუ ქვეყანაში მრავლად იქნება მწვანე ზონები საქართველო ტურისტების მიღებას ისევ შეძლებს. როგორც ბურჯანაძე აცხადებს ახალი ინიციატივებზე საკოორდინაციო საბჭოს უახლოესი შეხვედრაზე იმსჯელებს.

 

ბაჩო ადამია






რა ენერგეტიკული შეცდომები დაუშვა ევროპამ

რა ენერგეტიკული შეცდომები დაუშვა ევროპამ
access_time2021-10-17 20:00:44
ევროპა თავადაა დამნაშავე საკუთარ ენერგეტიკულ პრობლემებში. ამის შესახებ Financial times-ი იუწყება. რუსეთს ხშირად ადარებენ დათვს, თუმცა, გაზზე ფასების ზრდა მეტყველებს, რომ ამჟამად მასხარის როლი უფრო მოუხდებოდა. ბუნებრივი გაზი რუსეთის ერთ-ერთი მთავარი საექსპორტო საქონელია, ევროკავშირს კი ის დღეს ძალიან აკლია. ფასების ზრდა ევროპაში მცირე მარაგებისა და აზიაში მაღალი მოთხოვნის შედეგია, რაც რუსეთის...

დასავლეთი უკრაინას ევროკავშირში წევრობის იმედს არ აძლევს

დასავლეთი უკრაინას ევროკავშირში წევრობის იმედს არ აძლევს
access_time2021-10-17 18:00:22
ევროკავშირი უკრაინაში რეფორმების პროცესის დამუხრუჭებით უკმაყოფილოა, უკრაინა კი თავის მხრივ უკმაყოფილოა ევროკავშირში წევრობის პერსპექტივის არარსებობით. ბრიუსელს და კიევს შორის ურთიერთობებში აშკარა სიცივე იგრძნობა. ევროპის აუდიტის...

საქართველოს მოსახლეობის 17%-მდე საარსებო შემწეობას იღებს

საქართველოს მოსახლეობის 17%-მდე საარსებო შემწეობას იღებს
access_time2021-10-17 11:00:07
სოციალური მომსახურების სააგენტოს მონაცემების მიხედვით, ქვეყანაში საარსებო შემწეობის მიმღებთა რაოდენობა სულ უფრო იზრდება. სტატისტიკა მზარდია, არა მხოლოდ წლიურ, არამედ თვიურ...

თურქეთი საქართველოს გავლით პროდუქციის ევროკავშირში ექსპორტს შეძლებს

თურქეთი საქართველოს გავლით პროდუქციის ევროკავშირში ექსპორტს შეძლებს
access_time2021-10-16 12:11:40
თურქეთმა მიიღო უფლება თავისუფალი ვაჭრობის რეჟიმში განახორციელოს თურქულ ნედლეულზე საქართველოში წარმოებული პროდუქციის ექსპორტი ევროკავშირში.  ახალი შეთანხმება არ...

2022 წლის ბიუჯეტში პანდემიის მართვისთვის თანხა მცირდება

 2022 წლის ბიუჯეტში პანდემიის მართვისთვის თანხა მცირდება
access_time2021-10-17 12:00:40
ხელისუფლება 2022 წლის სახელმწიფო ბიუჯეტში პანდემიის მართვისთვის საჭირო თანხას ამცირებს. სახელმწიფო ხაზინის პირველადი პროექტის თანახმად, კოვიდ 19-თან დაკავშირებული ხარჯები 310 მლნ ლარითაა შემცირებული. 276 მილიონი ლარით იკლო მოსახლეობის ჯანმრთელობის დაცვისთვის განსაზღვრულმა დაფინანსებამაც. ხელისუფლება ჯანდაცვის სექტორის...


მსგავსი სიახლეები

up