დღის TOP 10 მნიშვნელოვანი ამბავი:

1. გარე რეკლამების განთავსებაზე გამოცხადებული აუქციონით ჯერჯერობით არავინ დაინტერესებულა

მერიის მიერ გარე რეკლამების განთავსებაზე 5 ივლისს, ორ ლოტად გამოცხადებული აუქციონით ჯერჯერობით არავინ დაინტერესებულა. თბილისის ქონების მართვის სააგენტოს ვებ-გვერდზე განთავსებული ინფორმაციის მიხედვით, ამ დრომდე 0  ბიჯია დადებული.

2. ფაიზერზე რეგისტრაცია დაიწყო - ვაქცინა მხოლოდ 14 000 ადამიანს ეყოფა

საქართველოში ფაიზერის დაპირებული 1 მლნ დოზიდან 28 000 დოზა შემოვიდა, რაც 14 000 ადამიანისთვისაა სამყოფი. რეგისტრაციის პროცესი 15:00 სთ-დან დაიწყო.

3. ჯანმო საქართველოში თამბაქოს კონტროლის შესუსტების მცდელობებს ხედავს

„საქართველოში მოწმენი ვართ ინდუსტრიის გამუდმებული მცდელობებისა, შეასუსტონ თამბაქოს კონტროლი“, ამის შესახებ ჯანმოს მიერ გავრცელებულ ოფიციალურ განცხადებაშია ნათქვამი.

4. Booking.moh.gov.ge ისევ არ მუშაობს, მსურველები ფაიზერზე ვერ რეგისტრირდებიან

ვებგვერდი Booking.moh.gov.ge ფაიზერზე რეგისტრაციის დაწყებიდან რამდენიმე წუთში გაითიშა. საიტი თავიდანვე შეფერხებით მუშაობდა. 15:30 სთ-ისთვის კი ვებგვერდი სრულიად დაიბლოკა.

5. პოლიტიკური დაძაბულობაა – ლარი მყარდება. კურსის ვარდნის ძველი განმარტებები არ მუშაობს

ლარი წლის დასაწყისის მაჩვენებელთან შედარებით, დოლართან მიმართებით 14 თეთრით გამყარდა. მართალია ივნისში ტურიზმი 362%-ით გაიზარდა, მაგრამ ის ჯერ კიდევ 2019 წლის ანალოგიურ პერიოდთან შედარებით მეოთხედზე ნაკლებია...

6. ტურიზმის კვლევის ცენტრი სექტორზე 5 ივლისის მოვლენების ასახვას შემოდგომაზე ელის

არსებული სიტუაცია ტურისტების შემოდინებაზე ნეგატიურ გავლენას უფრო მეტად გრძელვადიან პერსპექტივაში მოახდენს.

7. ბეთანიაში მუნიციპალური ტრანსპორტი წლის ბოლომდე დაინიშნება

როგორც Commersant-ს თბილისის ტრანსპორტისა და ურბანული განვითარების სააგენტოდან აცნობეს, მერია დამატებით მიკროავტობუსების შესყიდვას გეგმავს და მაქსიმუმ წლის ბოლომდე წყნეთიდან ბეთანიამდე მუნიციპალური მიკროავტობუსი დაიწყებს მოძრაობას.

8. ზაზა გახელაძე ცხინვალის საპატიმროს დატოვებს

ოკუპირებული ცხინვალის რეგიონის ე.წ. პრეზიდენტმა ანატილი ბიბილოვმა საოკუპაციო რეჟიმის მიერ უკანონოდ დაკავებული საქართველოს მოქალაქე ზაზა გახელაძე „შეიწყალა“.

9. Bloomberg: „ჩრდილოეთის ნაკადი-2“ აშშ–გერმანიის ურთიერთობებს დიდი ხნით გააფუჭებს

გადადგომამდე რამდენიმე თვით ადრე გერმანიის კანცლერი ანგელა მერკელი ვაშინგტონში  ჯო ბაიდენთან შესახვედრად მიემგზავრება. ეს მოვლენა ტრანსატლანტიკური ჰარმონიის აღდგენის სიმბოლო უნდა გახდეს, თუმცა ამისთვის მხარეებს რეალობის შელამაზება მოუწევთ.

10. თალიბანის მილიარდები – საიდან?

2018 წელს ავღანეთის ბიუჯეტი $2,2 მლრდ იყო და ეს მაშინ, როდესაც მოძრაობა „თალიბანის“ შემოსავალი წელიწადში $1,5 მლრდ–ა.