საბანკო/სადაზღვევო გარანტიებთან დაკავშირებით დავა გრძელდება

access_time2018-02-09 17:21:31

საბანკო/სადაზღვევო გარანტიებთან დაკავშირებით სადაზღვევო კომპანიებისა და სახელმწიფო ორგანიზაციების უთანხმოება გრძელდება.


შეგახსენებთ, რომ 2017 წლის სექტემბერში საქართველოს კონკურენციის სააგენტომ სახელმწიფო ორგანიზაციების მხრიდან სადაზღვევო კომპანიების მიერ გაცემული გარანტიების მიუღებლობა კონკურენციის შესახებ კანონის მე-10 მუხლის დარღვევად ცნო. სააგენტომ სახელმწიფო ორგანიზაციებს დაავალა შეეცვალათ აღნიშნული პრაქტიკა და საშუალება მიეცათ სადაზღვევო კომპანიებისთვის თავისუფლად ემოქმედათ ბაზარზე.


როგორც აღმოჩნდა, კონკურენციის სააგენტოს გადაწყვეტილება სახელმწიფო ორგანიზაციების ნაწილის მიერ არ იქნა გათვალისწინებული, მიუხედავად იმისა, რომ მათ აღსრულება სავალდებულო წესით ევალებოდათ. ამჯერადაც, მომხარებელთა უფლებების დასაცავად სადაზღვევო კომპანია უნისონს მოუწია ბრძოლა და 2018 წლის 10 იანვარს მეორე დავაც მოიგო.


სახელმწიფო შესყიდვებთან დაკავშირებული დავების განხილვის საბჭოს 2018 წლის 10 იანვრის გადაწყვეტილებით დაკმაყოფილდა უნისონის საჩივარი საავტომობილო გზების დეპარტამენტის წინააღმდეგ, რითაც კვლავ დადასტურდა შემსყიდველი ორგანიზაციის მხრიდან კანონდარღვევის ფაქტი.



მიღებული გადაწყვეტილებების და სავალდებულო წესით აღსრულების ვალდებულების მიუხედავად საავტომობილო გზების დეპარტამენტის უფროსმა გ. სეთურიძემ კვლავ უარი განაცხადა უნისონის მიერ გაცემული გარანტიის მიღებაზე, რაც კომპანიას აფიქრებინებს, რომ სახეზეა საჯარო მოხელის მიერ უფლებამოსილების გადამეტების ფაქტი და ბიზნეს საქმიანობაში ხელის შეშლის მიზანმიმართული მცდელობა.


უნისონი აპირებს დავის გაგრძელებას, თუმცა მანამდე წერილით მიმართავს მთავრობის ეკონომიკურ გუნდს და საკითხით დაინტერესებას სთხოვს.


„კომერსანტი“ 



აფბა: გზების დეპარტამენტის თავმჯდომარემ რუსული კომპანიის დირექტორობა დეკლარაციაში დამალა

person access_time2018-02-21 19:41:41
აფბა აგრძელებს ინფრასტრუქტურისა და რეგიონული განვითარების სამინისტროს საქმიანობის კვლევას. როგორც „კომერსანტს“ „ახალგაზრდა ფინანსისტთა და ბიზნესმენთა ასოციაციიდან“ აცნობეს, ამ ეტაპზე აფბა-ს  შესწავლის საგანია საგზაო-ინფრასტრუქტურული პროექტების განხორციელებისა და საავტომობილო გზების დეპარტამენტის საქმიანობის სამართლებრივი და ეკონომიკური ასპექტები.   საზოგადოებას უკანასკნელი თვის განმავლობაში წარვუდგინეთ მსხვილ საგზაო პროექტებში არსებული...

WEF : საქართველოს 10 მთავარი რისკი

person access_time2018-02-21 17:11:27
მსოფლიო ეკონომიკურმა ფორუმმა 2018 წლის მსოფლიოს მთავარ რისკებზე კვლევა გამოაქვეყნა. მსოფლიოში მთავარ რისკებად ეკონომიკური მდგომარეობა, გარემოს დაცვითი საკითხები, კიბერუსაფრთხოება და გეოპოლიტიკური ვითარება სახელდება. მსოფლიოს სხვადასხვა ქვეყნებში არსებული რისკების შესაფასებლად WEF ექსპერტებთან და სახელმწიფო წარმომადგენლებთან ერთად მუშაობს.  კვლევისას რესპოდენტებს ის ძირითადი რისკები უნდა დაესახელებინათ, რომლებიც მომდევნო 10 წელში მათ ბიზნესგეგმებს ყველაზე...

ექვსი ახალი ინიციატივა ბიზნესისათვის - ფინანსთა მინისტრმა საგადასახადო ცვლილებები დაანონსა

person access_time2018-02-21 14:18:44
საგადასახადო კოდექსში ცვლილებების შესახებ კანონპროექტი მზადდება, რომელიც 6 ახალ ინიციატივას მოიცავს.   საქართველოს ფინანსთა მინისტრის მამუკა ბახტაძის განმარტებით, ახალი საგადასახადო ინიციატივის ფარგლებში, რომლის მიზანია მცირე ბიზნესის ხელშეწყობა, იცვლება დაბეგვრასთან დაკავშირებული რეგულაციები.   ეკონომიკური საქმიანობის განმახორციელებელი ორგანიზაციები, ფაქტობრივად, გათავისუფლდებიან მოგების გადასახადისგან.   უქმდება გრძელვადიანი...

პრივილეგირებული იმპორტი - ქათმის ხორცის მწარმოებლები საგადასახადო დისკრიმინაციაზე ჩივიან

person access_time2018-02-21 15:40:36
საქართველოში  ქათმის ხორცის წარმოება ბიზნესის ერთ-ერთი განვითარებული მიმართულებაა.  მიუხედავად ამისა, ჩვენს ქვეყანაში მსოფლიოს სხვადასხვა ქვეყნიდან, მაინც დიდი რაოდენობით შემოდის ქათმის ხორც-პროდუქტები, თუმცა ქართველი მომხმარებელი მაინც ადგილობრივ პროდუქტს ანიჭებს უპირატესობას. გარდა ამისა, ადგილობრივ მწარმოებლებს მაინც ექმნებათ პრობლემა ბიზნესის განვითარების და გაფართოების თვალსაზრისით. ამის ერთ-ერთ მიზეზად, წლების განმავლობაში სახელმწიფოს მიერ გატარებული რეფორმები...

„შესაცვლელია მთლიანად სასამართლო სისტემა და არა მოსამართლეები“ - ადვოკატის შეფასებები

person access_time2018-02-21 09:50:42
„კომერციული თვალსაზრისით და, არამხოლოდ, სასამართლო სისტემაში სამი ძირითადი პრობლემაა  მოსაგვარებელი. პირველი - ყველა ადმინისტრაციული დავა სასამართლოში არ უნდა მიდიოდეს. მეორე - სახელმწიფომ თავი უნდა დაანებოს კომერციულ დავებს  და წაახალისოს არბიტრაჟები თუ მედიაციები. მესამე - უნდა გაიზარდოს როგორც მოსამართლეთა რაოდენობა, ასევე მათი შრომითი ანაზღაურება. მსგავსი კომპლექსური მიდგომით შევძლეთ დღეს არსებული პრობლემების მოგვარებას“,-ასე შეაფასა სასამრთლო სისტემაში არსებული...


მსგავსი სიახლეები