„ჯიდიჯი ჯგუფმა“ თბილისში 2 სასტუმროს მშენებლობა დაიწყო (ფოტო)

access_time2017-12-06 15:00:26

„ჯიდიჯი ჯგუფი“ მთაწმინდის რაიონში, ჭონქაძისა და მარი ბროსეს ქუჩებზე ერთდროულად ორ სასტუმროს აშენებს. სასტუმრო, რომელიც მარი ბროსეს ქუჩაზე შენდება, 2018 წლის ბოლოს გაიხსნება, ხოლო მეორე სასტუმრო - 2019 წელს.


როგორც კომპანია „ჯიდიჯი ჯგუფის“ დამფუძნებელი ბეჟან წაქაძე „კომერსანტთან“ საუბრისას აღნიშნავს, ორივე ლოკაციაზე მშენებლობები უკვე დაწყებულია.



„დედაქალაქის მერიისგან ნებართვა უკვე მიღებული გვაქვს. მოგეხსენებათ მთაწმინდა ძველი უბანია და აქ მშენებლობა არც ისე ადვილია, რადგან ბევრი საპროექტო დეტალია გასათვალისწინებელი. ბოლო დროს საპროექტო-სამშენებლო პროცესებში გარკვეული ცვლილებები შევიდა და სასტუმროებს სწორედ ამ სტანდარტების დაცვით ვაშენებთ. ერთი სასტუმრო მარი ბროსეს ქუჩაზე შენდება, მეორე - ჭონქაძისა და ყიფიანის ქუჩების კვეთაზე. იანვარში მარი ბროსეს ქუჩაზე ძირითადი სამშენებლო სამუშაოები დასრულებული იქნება და უკვე სარემონტო სამუშაოებზე გადავალთ. რაც შეეხება მეორე სასტუმროს, იქ მშენებლობა ივლისის თვეში დასრულდება და სარემონტო სამუშაოებს დავიწყებთ. ვგეგმავთ, რომ მარი ბროსეს ქუჩაზე სასტუმრო 2018 წლის ბოლოს გავხსნათ, ჭონქაძეზე კი - 2019 წლის გაზაფხულზე“, - აცხადებს წაქაძე.




მისივე თქმით, სასტუმროების მმართველები მხოლოდ ქართული კომპანიები იქნებიან. ამ ეტაპზე „ჯიდიჯი ჯგუფი“ რამდენიმე კომპანიასთან მართავს მოლაპარაკებას და კონკრეტულად რომელ სასტუმროში რომელი კომპანია შევა მმართველად, ეს ჯერ გადაწყვეტილი არ არის.


ბეჟან წაქაძის ინფორმაციით, სასტუმროები საკმაოდ მაღალი დონის, ოთხვარსკვლავიანი იქნება: „ორივე სასტუმროში 60-60 ნომერიი იქნება. ასევე, მათში განთავსდება რესტორანი, ბარი. ჭონქაძეზე მდებარე სასტუმროში ღვინის სარდაფიც მოეწყობა. ბროსეზე შვიდსართულიანი იქნება,  ხოლო ჭონქაძეზე ტერასებად არის დაყოფილი და ყველაზე მაღალი ნაწილი რვასართულიანი უნდა იყოს“.




რაც შეეხება აღნიშნულ პროექტებში განხორციელებულ ინვესტიციას,  ბეჟან წაქაძის თქმით, ორივე სასტუმროში ჯამში 12 მილიონი დოლარის ინვესტიცია ჩაიდება.


„ჯიდიჯი ჯგუფი ამ დრომდე მხოლოდ საცხოვრებელ კორპუსებს აშენებდა. კომპანიას პროექტები ძირითადად ქალაქის ცენტრალურ უბნებში აქვს.


ავტორი: თეონა კენჭიაშვილი




პარლამენტმა 2018 წლის სახელმწიფო ბიუჯეტი დაამტკიცა

person access_time2017-12-13 20:31:10
პარლამენტმა 2018 წლის სახელმწიფო ბიუჯეტი დაამტკიცა. მომავალი წლის მთავარი საფინანსო დოკუმენტი, რომელის საბოლოო ვარიანტი საკანონმდებლო ორგანოს ფინანსთა ახალმა მინისტრმა მამუკა ბახტაძემ წარუდგინა, დეპუტატებმა 111 ხმით ერთხმად მიიღეს.   კენჭისყრას წინ უძღვოდა ხანგრძლივი განხილვა და დებატები, რომელიც მთელი დღის განმავლობაში მიმდინარეობდა.     სახელმწიფო ბიუჯეტის შემოსულობების მთლიანი მოცულობა, 2017 წელთან შედარებით იზრდება 943,8 მლნ ლარით...

შესყიდვების სააგენტოს განცხადებით "სიტროენ ჯორჯია" 4–ჯერ იყო რეგისტრირებული შავ სიაში

person access_time2017-12-13 19:13:57
„სახელმწიფო შესყიდვების სააგენტო, მაღალი საზოგადოებრივი ინტერესიდან გამომდინარე, მოქალაქე გიორგი გაჩეჩილაძის მიერ მასობრივი ინფორმაციის საშუალებებით გავრცელებულ განცხადებებთან დაკავშირებით, რომლებიც შეეხებოდა ცალკეული შემსყიდველი ორგანიზაციების მიერ კომპანია „სიტროენ ჯორჯიის" მიმართ, მისი მოსაზრებით, განხორციელებულ არამართლზომიერ და დაუსაბუთებელ ქმედებებს, აღნიშნავს: 2017 წლის 7 აპრილს საქართველოს შრომის, ჯანმრთელობისა და სოციალური დაცვის სამინისტრომ გამოაცხადა...

King David-ში საახალწლო აქცია „არაჩვეულებრივი 2018“ დაიწყო

person access_time2017-12-13 17:00:31
King David-ში სასიამოვნო სიახლეა! საახალწლო აქცია ,,არაჩვეულებრივი 2018“დაიწყო. მსურველებს საშუალება აქვთ საახალწლო აქციის ფარგლებში სასურველი რეზიდენცია 20 თვიანი უპროცენტო შიდა განვადებით შეიძინონ, გადახდა კი ღირებულების მხოლოდ 1%-ით დაიწყონ და დამატებით 8%-იანი ფასდაკლებითაც ისარგებლონ. რეზიდენციის შეძენისთანავე შესაძლებლობა ეძლევათ დაიწყონ სარემონტო სამუშაოები და თანხის არასრულად დაფარვის შემთხვევაშიც კი გადმოვიდნენ საცხოვრებლად. აღსანიშნავია რომ King David...

Deutsche Bank: ბიტკოინი 2018 წელს საფინანსო სექტორს საფრთხეს შეუქმნის

person access_time2017-12-13 20:00:41
Deutsche Bank-ი ბიტკოინს გლობალური საფინანსო ბაზრისთვის საფრთხედ მიიჩნევს. აღნიშნულთან დაკავშირებით განცხადება Deutsche Bank-ის გლობალურმა ეკონომისტმა, ტორსტენ სლოკმა გააკეთა. მისი სიტყვებით, კრიპტოვალუტის უკანასკნელი დინამიკა იმის მანიშნებელია, რომ ბიტკოინს მკვეთრი ვარდნის დიდი პოტენციალი გააჩნია. Deutche Bank-ის ეკონომისტების მოსაზრებით, ბიტკოინთან დაკავშირებული საფრთე მის მერყეობასა და არასტაბილურობას უკავშირდება. ამასთან, ექსპერტები ხაზს უსვამენ იმ გარემოებას,...

მთავრობა ზამთრის ახალი კურორტების განვითარებაზე მუშაობს

person access_time2017-12-13 17:30:42
მთავრობას ზამთრის კურორტების განვითარების სწორი ხედვა აქვს - ამის შესახებ „მთის კურორტების განვითარების კომპანიის“ ხელმძღვანელი სანდრო ონოფრიშვილი რადიო „კომერსანტთან“ საუბრისას აცხადებს. ონოფრიშვილის თქმით, ყველა არსებულ და პოტენციურ კურორტზე განვითარების სამოქმედო გეგმა იწერება, როგორი უნდა იყოს კურორტი და ეს დოკუმენტი ინვესტორებისთვის ერთგვარი გზამკვლევი გახდება.   „გუდაურის შემთხვევაში განაშენიანების გეგმა მსოფლიოში ერთ-ერთ საუკეთესო...


მსგავსი სიახლეები