“საბიუჯეტო შემოსავლების 24% იხარჯება ბიუროკრატიის შესანახად, რაც ზედმეტად მაღალი მაჩვენებელია”

access_time2017-10-10 17:09:30

საქართველოს პარლამენტი 2018 წლის სახელმწიფო ბიუჯეტის შესახებ პროექტის განხილვას იწყებს. „ბანკები და ფინანსებმა“-მა საკითხზე სამართლებრივი კომენტარი ორგანიზაცია „ახალგაზრდა ადვოკატების“ იურისტს, გიორგი ლაბაძეს სთხოვა, რომელიც აღნიშნავს, რომ თანამედროვე საჭიროებებიდან გამომდინარე, სახელმწიფო ხარჯი პრობლემაა.

 

გიორგი ლაბაძე, „ახალგაზრდა ადვოკატების“ იურისტი:

 

სახელმწიფო ბიუჯეტის შესახებ კანონში მკაფიოდ არის განსაზღვრული, თუ რა ოდენობის ფინანსებია გამოყოფილი მხოლოდ სახელმწიფო აპატარის შრომის ანაზღაურებასა და საქონელსა და მომსახურებაში გასაწევი ხარჯებისთვის. შეგახსენებთ, რომ სულ საქართველოს დაგეგმილი ბიუჯეტის შემოსავლები, 2017 წლისთვის, შეადგენდა 9 489 460 000 ლარს. ხოლო აქედან, გრაფაში მოყვანილი თანხები მიემართება მხოლოდ ცენტრალური სამთავრობო აპარატის შენახვისკენ.

 

წელი

შრომის ანაზღაურება

საქონელი/მომსახურება

2015

1 376 776 900ლ

946 218 800ლ

2016

1 443 304 300ლ

1 037 494 800ლ

2017

1 393 505 100ლ

1 144 275 300ლ

2018

1 397 524 100ლ

1 188 276 800ლ

 

 

გამოდის, რომ 2017 წლისთვის, სრული საბიუჯეტო შემოსავლების, დაახლოებით 24% იხარჯება მხოლოდ ბიუროკრატიის შესანახად, რაც წარმოადგენს ზედმეტად მაღალ მაჩვენებელს. ჩვენ შეგვიძლია მაგალითად მოვიყვანოთ დემოკრატიული ქვეყნების გამოცდილება, სადაც ყველაზე გაბერილი ბიუროკრატიის მქონე ქვეყანაში, დანიაში, სახელმწიფო აპარატის სრული ხარჯი შეადგენს ბიუჯეტის 20%–ს, მას მოჰყვებიან ისეთი სოციალ–დემოკრატიული სახელმწიფოები, როგორებიცაა შვედეთი, ფინეთი, 16%–იანი ხარჯებით.


 

აღნიშნულ კანონში, ბიუჯეტის ასიგნებების ნაწილში, ცალსახად არის მოყვანილი დასაქმებულთა საერთო რიცხვი, რაც შეადგენს 116 757 ადამიანს. გამოდის, რომ 116 757 ადამიანის მომსახურებასა და შრომის ანაზღაურებაზე იხარჯება 2 537 780 400 ლარი, ანუ საერთო საბიუჯეტო დანახარჯის დახლოებით ¼, ხოლო დანარჩენი განკუთვნილია 3 600 000–ზე მეტი მოქალაქისთვის. ეს მეტად არასამართლიან მიდგომას წარმოადგენს და საჭიროებს სახელმწიფოს მხრიდან პოლიტიკის შეცვლას. თუკი ზემოთ მოყვანილ ცხრილს ჩავხედავთ, კიდევ უფრო რთულია გართულებულია ვითარება 2018 წლის გეგმის მიხედვით, რამდენადაც, საერთო ჯამში, დაახლოებით 44 მილიონით არის მომატებული ცენტრალური ხელისუფლების შენახვის ხარჯი. გასული წლის ბიუჯეტის დაგეგმვის დროს, საქართველოს პერმიერ–მინისტრმა გააკეთა აქცენტი სახელმწიფო ბიუჯეტში ბიუროკრატიული ხარჯის შემცირების აუცილებლობაზე და ერთი შეხედვით, 2016 წელთან შედარებით, შემცირდა კიდეც შრომის ანაზღაურება, თუმცა თუ დავაკვირდებით, მთელი 100 მილიონით მოიმატა საქონლისა და მომსახურებისთვის გაწეულმა ხარჯმა, რაც არათუ შემცირებაზე, არამედ დანახარჯების ზრდაზე მეტყველებს. ეს ტენდენცია, როგორ აღინიშნა, გაგრძელებულია მომავალი წლის გეგმითაც.

 

ქართულ რეალობაში ეკონომიკა ერთ–ერთ უმნიშვნელოვანეს პრობლემას წარმოადგენს, რამდენადაც საბიუჯეტო შემოსავლების ოდენობა საკმაოდ ცოტაა და ასეთ რეალობაში სახელმწიფოზე მიბმული მოქალაქეების რიცხვის ზრდა კიდევ უფრო მეტ ზიანს აყენებს პროდუქტის შექმნის პერსპექტივას. საქართველოს სახელმწიფომ უნდა გაიაზროს, რომ საჯარო სამსახური არ წარმოადგენს სოციალურ პროგრამას. ამიტომ მაქსიმალურად უნდა გამოხშიროს კადრები და მოქალაქე დაასაქმოს მხოლოდ საჭიროებიდან გამომდინარე.

 

მოყვანილი მაგალითებიდან გამომდინარე, რომელიც აგრეთვე ემყარება დასავლურ პრაქტიკას, მიგვაჩნია, რომ არასამართლიანია მხოლოდ საჯარო სამსახურში დასაქმებული პირების მომსახურებასა და ანაზღაურებას ბიუჯეტის 25% სჭირდებოდეს. ამასთან, მსგავსი მიდგომა არ შეესაბამება საერთაშორისო სტანდარტს, რომელიც ცივილიზებულ სახელმწიფოებში მოქმედებს. ამიტომ აუცილებელია, რომ საქართველოს მთავრობამ და პარლამენტმა მეტი ყურადღება დაუთმონ ამ საკითხს.


ბიუჯეტის განაწილებასთან დაკავშირებით ასევე დისკუსიას იწვევს სახელმწიფო თავდაცვისთვის შემცირებული ხარჯები, რამდენადაც იგეგმება შინაგან საქმეთა სამინისტროს ბიუჯეტის 48 მილიონი ლარით შემცირება. ჩვენმა ორგანიზაციამ უკვე წარმოადგინა კვლევა და რეკომენდაციები გუნერნატორის ინსტიტუტთან დაკავშირებით, რომელიც ასევე ფინანსდება პირდაპირ სახელმწიფოს ბიუჯეტიდან და ასევე წარმოადგენს გაბერილი აპარატის ერთ–ერთ მაგალითს მისთვის განკუთვნილი ხარჯებიდან გამომდინარე. ყოველივე ზემოთ აღნიშნულიდან გამომდინარე, ჩვენ მივმართავთ საქართველოს პარლამენტს, „საქართველოს 2018 წლის სახელმწიფო ბიუჯეტის შესახებ“ საქართველოს კანონში, მომავალი წლის ასიგნებების უფრო მეტი გონივრულობით განაწილება მოახდინოს.

 

 

bfm.ge



30 ათას ლარიანი ჯარიმა უსაფრთხოების ნორმების დარღვევაზე - დეველოპერების შეფასებები

person access_time2018-02-19 18:45:18
ქვეყანაში  უსაფრთხოების ინჟინრების დეფიციტი და მათი მომზადებისთვის საჭირო ხარჯი -ეს ის პრობლემაა, რომელიც  მშენებლობასთან დაკავშირებით დაგეგმილმა რეგულაციამ შეიძლება გამოიწვიოს.  ამის შესახებ „კომერსანტთან“ დეველოპერების ნაწილი საუბრობს და დედაქალაქში მშენებლობასთან დაკავშირებით მოსალოდნელ რეგულაციებს  აფასებს.    „პროდუქტის უსაფრთხოებისა და...

ქართული ღვინის პრეზენტაცია ტოკიოში - ტოჩინოშინის სიურპრიზი ორგანიზატორებს

person access_time2018-02-19 19:45:37
ქართული ღვინის მასშტაბური პრეზენტაცია იაპონიის დედაქალაქ ტოკიოსა და ქალაქ ოსაკაში გაიმართა. ღონისძიებას საქართველოს სრულუფლებიანი და საგანგებო ელჩი იაპონიაში ლევან ცინცაძე და ჰაცუ ბაშუს ტურნირის ქართველი გამარჯვებული, სუმოისტი ლევან გორგოძე, იგივე ტოჩინოშინი ესტუმრნენ.   ტოკიოსა და ოსაკაში გამართულ ღონისძიებებში ჯამში 35 ქართული ღვინის მწარმოებელი კომპანიის 100-მდე დასახელების ღვინო იყო წარდგენლი. ქართული ღვინის პრეზენტაცია-სემინარს ტოკიოში 350, ხოლო ოსაკაში 300-მდე ღვინის...

გზების დეპარტამენტის თავმჯდომარე ჩინურ „სინოჰიდროსთან“ დაკავშირებულ კითხვებს „კომერსანტთან“ პასუხობს

person access_time2018-02-20 09:00:11
გზების  დეპარტამენტის თავმჯდომარე გიორგი სეთურიძე  ბოლო პერიოდში, ჩინურ „სინოჰიდროსთან“  დაკავშირებით კითხვებს „კომერსანტთან“  პასუხობს. როგორც ცნობილია, 2018 წლის 29 იანვარს გიორგი სეთურიძემ „კომერსანტთან“ საუბარში განაცხადა, რომ „სინოჰიდროს“ საქმიანობის თაობაზე დასკვნას 1 კვირაში გამოაქვეყნებდა. საკითხი ეხება რამდენიმე კვირის  წინ,  ...

ავიაკომპანია „ჯორჯიან ეარვეისი“ 25 მარტიდან 10 ახალი მიმართულებით იფრენს

person access_time2018-02-19 13:52:29
ავიაკომპანია  „ჯორჯიან ეარვეისი“  2018 წლის 25 მარტიდან ახალ რეისებს იწყებს. როგორც ავიაკომპანიაში აცხადებენ, თბილისიდან პირდაპირი რეისები შესრულდება პარიზის, ბარსელონას, ბოლონიას, ბერლინის, კიოლნის, ყაზანის, ათენის, სალონიკის, ბრატისლავას და ხარკოვის მიმართულებებით. ასევე 2018 წელს განახლდება „ჯორჯიან ეარვეისის“  ავიაპარკი და მას შეემატება Embraer 190-ის და Boeing 737-800-ის ტიპის თვითმფრინავები.   ამ ეტაპზე ავიაკომპანია რეისებს...

რა თანხა დაგჭირდებათ საქართველოში 4-სულიანი ოჯახის სარჩენად

person access_time2018-02-19 16:31:48
2018 წლის იანვრის მონაცემების მიხედვით, საშუალო მომხმარებლის საარსებო მინიმუმი საქართველოში - 155 ლარი, ოთხსულიანი ოჯახის საარსებო მინიმუმი კი - 309.9 ლარია.  „ბიზნესპრესნიუსი“ დაინტერესდა, თუ როგორია თვეში ერთი ადამიანის ხარჯი და შემოსავალი საშუალოდ, მინიმუმ რა ოდენობის თანხაა საჭირო ოთხსულიანი ოჯახის სარჩენად და არის თუ არა ამისთვის 309.9 ლარი საკმარისი. ოფიციალური მონაცემებით, საქართველოში საშუალო თვიური ხარჯები ერთ სულ მოსახლეზე ყოველწლიურად...


მსგავსი სიახლეები