თურქეთსა და ერაყს შორის ორმხრივი ვაჭრობის მოცულობამ რეკორდულ მაჩვენებელს მიაღწია. ორ ქვეყანას შორის სავაჭრო და ეკონომიკური კავშირები კვლავ იზრდება.
თურქეთის ექსპორტის მოცულობა ერაყში 2022 წელს წინა წელთან შედარებით 24%-ით გაიზარდა და 13,7 მილიარდ დოლარს მიაღწია.
იმავე წელს თურქეთის საქონლის იმპორტი ერაყიდან 24%-ით გაიზარდა და 10,4 მილიარდი დოლარი შეადგინა, ხოლო ვაჭრობამ 24,2 მილიარდ დოლარს მიაღწია.
დღეისათვის ერაყში მოქმედმა თურქმა კონტრაქტორებმა 33,3 მილიარდი დოლარის ღირებულების 1080 პროექტი განახორციელეს. ამ ინდიკატორის წყალობით, ერაყმა მესამე ადგილი დაიკავა იმ ქვეყნებს შორის, სადაც თურქული კომპანიები ყველაზე მეტ პროექტს ახორციელებენ.
29 აგვისტოს, თურქეთის ვაჭრობის მინისტრი ომერ ბოლატი, თურქი ბიზნესმენების დელეგაციის თანხლებით ერაყს ეწვევა.
თურქეთის ვაჭრობის სამინისტროს ხელმძღვანელი ერაყის პრეზიდენტსა და პრემიერ-მინისტრს შეხვდება.
თურქეთის ვაჭრობის მინისტრის ვიზიტის ფარგლებში განიხილება ორ ქვეყანას შორის სავაჭრო-ეკონომიკური კავშირების შემდგომი გაძლიერების საკითხები, ასევე ერაყში თურქული კომპანიების პოზიციების გაძლიერების გზები.
