ბელარუსის პრეზიდენტის ალექსანდრე ლუკაშენკოს განცხადებით, მხარს უჭერს რუსეთის საგარეო საქმეთა სამინისტროს იდეას სანქციების ქვეშ მყოფი ქვეყნების გაერთიანების შესახებ.
„თუ გავერთიანდებით და შეთანხმებას მივაღწევთ, ჩვენს წინააღმდეგ სანქციების დამწესებლები შეშინდებიან“, - განაცხადა ლუკაშენკომ.
მისი თქმით, ამჟამად პირდაპირი სანქციების ქვეშ 50 ქვეყანაა და „მეორადი ეფექტი კი, სავარაუდოდ, უკვე ასობით სახელმწიფოს ეხება“.
„რუსეთის საგარეო საქმეთა სამინისტრომ მომმართა, როგორც უმაღლესი სახელმწიფო საბჭოს (მოკავშირე სახელმწიფოს) თავმჯდომარეს, რათა განგვეხილა საკითხი, როგორ გავაერთიანოთ ყველა, ვინც სანქციების ქვეშ იმყოფება. ჩვენ ჩინეთიც კი დავარწმუნეთ. მათი დარწმუნება საჭირო არ არის; მათ ესმით, რომ შემდეგი ისინი იქნებიან“, - განაცხადა ბელარუსის პრეზიდენტმა.
მისი თქმით, საჭიროა, ეს ქვეყნები გაერთიანდნენ და თავიანთი ძალა და ძლევამოსილება აჩვენონ.
