თურქეთის ერთ-ერთმა უმსხვილესმა ელექტრონული კომერციის პლატფორმა Trendyol-მა პირველი Pop-up მაღაზია, საუდის არაბეთის დედაქალაქ, რიადში გახსნა.
Pop-up მაღაზია რიადში, Al Nakheel Mall-ში მყიდველებს 3 კვირის განმავლობაში უმასპინძლებს. Pop-up მაღაზიები მოკლევადიანი გაყიდვების ადგილებია.
მყიდველები მაღაზიაში პროდუქციის ონლაინ შეძენასQR კოდების სკანირებით შეძლებენ, რომელიც Trendyol-ის კოლექციიდან 150 ნივთს მოიცავს.
Trendyol-ის მიზანია, 2024 წლის ბოლომდე რეგიონში 6 მილიონი აქტიური მომხმარებელი ჰყავდეს.
ცნობისთვის, ონლაინ სავაჭრო გიგანტი აფართოებს თავის საქმიანობას საზღვარგარეთ, მათ შორის გერმანიაში, აზერბაიჯანსა და ცენტრალურ და აღმოსავლეთ ევროპაში.