ტაილანდის საკონსტიტუციო სასამართლომ ქვეყნის პრემიერ-მინისტრი პაეტონგტარნ შინავატრა თანამდებობიდან გადააყენა.
მიზეზი სკანდალური სატელეფონო საუბარი გახდა კამბოჯის ყოფილ ლიდერთან, რომლის შინაარსიც თავად კამბოჯელმა პოლიტიკოსმა გაასაჯაროვა.
სასამართლომ დაადგინა, რომ ეს საუბარი ეთიკური ნორმების დარღვევა იყო.
შინავატრას განმარტებით, ჰუნ სენთან შემდგარი სატელეფონო საუბარი საზღვართან დაკავშირებული გამწვავებული ურთიერთობების მოგვარებას ისახავდა მიზნად. კამბოჯის ყოფილმა ლიდერმა კი განაცხადა, რომ საუბრისას ტაილანდის პრემიერმა გააკრიტიკა საკუთარი ქვეყნის არმია და ამით მის დამშვიდებას შეეცადა.
ამ ინფორმაციის გავრცელებას, ტაილანდის საზოგადოების მხრიდან პრემიერის მიმართ მკაცრი კრიტიკა მოყვა.
შინავატრამ ბოდიში მოიხადა და განაცხადა, რომ ეს „მოლაპარაკების ტაქტიკა“ იყო, თუმცა სენატორებმა მისი თანამდებობიდან გადაყენება მოითხოვეს და საკონსტიტუციო სასამართლოს მიმართეს.
