საფრანგეთის საპარლამენტო არჩევნებში მემარცხენეთა ალიანსმა გაიმარჯვა, მეორე ადგილზეა ემანუელ მაკრონის კოალიცია, მესამეზეა - მარინ ლე პენის ულტრამემარჯვენე „ეროვნული გაერთიანება“, - ამის შესახებ CNN წერს.
პარლამენტში მემარცხენეთა ალიანსი 182 მანდატს მიიღებს, მეორე ადგილს იკავებს ქვეყნის პრეზიდენტის, ემანუელ მაკრონის კოალიცია 163 ადგილით, ხოლო მესამეზეა მარინ ლე პენის ულტრამემარჯვენე „ეროვნული გაერთიანება“ 143 მანდატით.
აბსოლუტური უმრავლესობა, რომლისთვისაც 289 მანდატია საჭირო, ვერცერთმა პარტიამ ვერ მოიპოვა.
