სომხეთის პრემიერ-მინისტრი ნიკოლ ფაშინიანი თურქეთის პრეზიდენტ რეჯეფ თაიფ ერდოღანის ინაუგურაციის ცერემონიაზე ჩავა.

როგორც სომხეთის პრემიერ-მინისტრის აპარატი იტყობინება, სომხეთმა შესაბამისი მიწვევა მიიღო. ნიკოლ ფაშინიანი ცერემონიაში მონაწილეობის მისაღებად ანკარაში 3 ივნისს ჩავა.

შეგახსენებთ, რეჯეფ თაიფ ერდოღანი თურქეთის პრეზიდენტად 28 მაისს გამართული არჩევნების მეორე ტურის შედეგად ხელახლა აირჩიეს.