Food & Wine-მა გამოაქვეყნა ყოველწლიური Global Tastemakers რეიტინგი, რომელიც გასტრონომიისა და მოგზაურობის ექსპერტების შეფასებით, მსოფლიოს ათ საუკეთესო რესტორანს მოიცავს. ჩამონათვალი შედგენილია დაწესებულებების პერსონალის ტექნიკური კულინარიული უნარების, მათი კონცეფციების ორიგინალურობისა და გასტრონომიისადმი უნიკალური მიდგომის გათვალისწინებით. რეიტინგის ავტორების აზრით, ამ რესტორნებისთვის ცალკე მოგზაურობის დაგეგმვა ღირს.
პირველ ადგილზეა ლონდონური რესტორანი Ikoyi. დაწესებულება თავის სამზარეულოს სანელებლების ირგვლივ აშენებს, აერთიანებს დასავლეთ აფრიკულ ინგრედიენტებს სეზონურ ბრიტანულ პროდუქტებთან და აზიურ ტექნიკასთან. მენიუში წარმოდგენილია ექსპერიმენტული კომბინაციები, როგორიცაა თევზი ეგუსისთან (ნესვის თესლი) მისოსთან ან ხორცი უჩვეულო მარცვლეულთან ერთად. Ikoyi სანელებლებს დესერტებსაც კი უმატებს.
2026 წლის მსოფლიოს 10 საუკეთესო რესტორანი Food & Wine-ის მიხედვით:
Ikoyi – ლონდონი, დიდი ბრიტანეთი
Maido – ლიმა, პერუ
CieL Dining – ჰო ში მინი, ვიეტნამი
Arami – ლა პასი, ბოლივია
Potong – ბანგკოკი, ტაილანდი
Naar – დარვა, ინდოეთი
Botánico – მეხიკო, მექსიკა
Roscioli Salumeria con Cucina – რომი, იტალია
Lunch Lady – ვანკუვერი, კანადა
Saint Peter – სიდნეი, ავსტრალია
