ლონდონის მეტროს თანამშრომლებმა გაფიცვების სერია გამოაცხადეს, რომელიც 5 სექტემბერს დაიწყება და ერთი კვირის განმავლობაში გაგრძელდება. პროტესტი ორგანიზებულია პროფკავშირი RMT–ის მიერ არასაკმარისი ანაზღაურების, ზედმეტი სამუშაო დატვირთვისა და მენეჯმენტის მიერ შეთანხმებების შეუსრულებლობის გამო.
მანამდე, სახელმწიფო სატრანსპორტო კომპანია „Transport for London“-მა თანამშრომლებს ხელფასის 3.4%-ით გაზრდა შესთავაზა და განაცხადა, რომ მოლაპარაკებების გაგრძელებისთვის მზად იყო, თუმცა მენეჯმენტმა სამუშაო კვირის 35 საათამდე შემცირების მოთხოვნა შეუსაბამოდ მიიჩნია.
