ნიდერლანდებში პოლიციამ ნარკოტიკ MDMA-ისგან დამზადებული ბაღის დეკორაციული ჯუჯა აღმოაჩინა, რომელიც დაახლოებით 2 კილოგრამს იწონიდა.
"ნარკოტიკები მრავალნაირი შეიძლება იყოს, მაგრამ ზოგჯერ განსაკუთრებულ რაღაცებს ვაწყდებით". - წერია დონგემონდის პოლიციის პოსტში.
პოლიციამ ჯუჯა მასობრივი ჩხრეკის დროს სხვა ნარკოტიკებთან ერთად იპოვა.
"ეს თავისთავად უცნაური ადგილია ბაღის ჯუჯის შესანახად, ამიტომ გადავწყვიტეთ ნარკოტიკებზე შეგვემოწმებინა". - წერს პოლიცია.
პოსტში პოლიციამ იმაზე მიუთითა, რომ გნომს ხელები პირზე აქვს აფარებული და ხუმრობით დაწერა, რომ ჯუჯაც "განცვიფრებული იყო".
"თვითონ ჯუჯაც შესამჩნევად განცვიფრებული იყო". - წერდა პოლიცია.
MDMA უკანონო ნივთიერებაა, რომელიც ასევე ცნობილი არის, როგორც ექსტაზი.
წყარო: ტაბულა
