იტალიის სოფლის მეურნეობისა და სურსათის მინისტრმა ფრანჩესკო ლოლობრიჯიდამ, ღვინოზე დაბალი მოთხოვნის გამო ვენახების გაჩეხვის სურვილი გამოთქვა. ამის შესახებ იტყობინება Gambero Rosso.
Assenologi-ს 79-ე კონგრესზე გამოსვლისას, ორგანიზაცია, რომელიც აანალიზებს მეღვინეობის მონაცემებს და პროგნოზირებს მოსავალს, ლოლობრიჯიდამ შეშფოთება გამოთქვა იმის შესახებ, რომ ვენახები მალე შეიძლება მიტოვებულ, არაპროდუქტიულ მინდვრებად იქცეს. მან მეღვინეებს მოუწოდა, პრობლემის გადასაჭრელად ერთსულოვანი გადაწყვეტილება მიეღოთ.
მინისტრის თქმით, იტალია, ისევე როგორც საფრანგეთი, ღვინის ჭარბი წარმოების წინაშე დგას. ღვინოზე მოთხოვნა მცირდება, რადგან ახალგაზრდები ან ალკოჰოლზე უარს ამბობენ, ან სპირტიან სასმელებს ირჩევენ.
