ირანის მთავრობამ ქალებს მოტოციკლეტის მართვის მოწმობის მიღების უფლება მისცა, იტყობინება საინფორმაციო სააგენტო „ილნა“.
რეზოლუცია, რომელსაც ხელი მოაწერა პირველმა ვიცე-პრეზიდენტმა, მოჰამედ რეზა არეფმა, იანვარში იქნა მიღებული. დოკუმენტის თანახმად, ქვეყნის გენერალური სარდლობა პასუხისმგებელია ქალებისთვის მოტოციკლეტის მართვის პრაქტიკული ტრენინგის ორგანიზებაზე, საგზაო პოლიციის ზედამხედველობის ქვეშ ტესტების ჩატარებასა და შესაბამისი მოწმობების გაცემაზე.
გარდა ამისა, ირანელი ქალები დიდი ხანია იბრძვიან სპორტულ ღონისძიებებზე, მათ შორის საფეხბურთო მატჩებზე მამაკაცებთან დასწრების თანაბარი უფლებებისთვის. ფიფას მოთხოვნების მიუხედავად, უზრუნველყოფილი იყოს ყველა გულშემატკივრის დაშვება, ირანის ხელისუფლებამ აკრძალვა არ მოხსნა.
