23 წლის I კვარტალში Heineken-მა, მსოფლიოში ერთ-ერთმა უმსხვილესმა ლუდსახარშმა კომპანიამ, წმინდა მოგება 3,4%-ით შეამცირა, ამავდროულად დაადასტურა პროგნოზი მთელი მიმდინარე წლისთვის.
იანვარ-მარტში კომპანიის წმინდა მოგებამ 403 მილიონი ევრო შეადგინა, 2022 წლის პირველ კვარტალში 417 მილიონი ევროს წინააღმდეგ.
Heineken-ის შემოსავალი, ერთი წლის წინანდელი 6,989 მილიარდი ევროდან, 9,2%-ით - 7,632 მილიარდ ევრომდე გაიზარდა. ლუდის გაყიდვები მოცულობითი თვალსაზრისით 3%-ით შემცირდა, მათ შორის Heineken-ის ბრენდის პროდუქციის გაყიდვები 2,3%-ით (5,7%-ით რუსეთის გამოკლებით) გაიზარდა.
EMEA-ს (აფრიკა, ახლო აღმოსავლეთი და აღმოსავლეთ ევროპა) რეგიონში გაყიდვები 8,3%-ით შემცირდა, აზია-წყნარი ოკეანის რეგიონში - 10,5%-ით, ევროპაში - 2,3%-ით. ამასობაში ამერიკაში 3,4%-ით გაიზარდა. კომპანია ხედავს გაყიდვების მნიშვნელოვან ზრდას ისეთ ქვეყნებში, როგორიცაა ბრაზილია და ჩინეთი.
Heineken კვლავ ელოდება 2023 წლის საოპერაციო მოგების ზრდას 5-9%-ით.
2023 წლის დასაწყისიდან Heineken-ის კაპიტალიზაცია 16,2%-ით (57,4 მილიარდ ევრომდე) გაიზარდა, ხოლო AEX-ის საფონდო ინდექსი - 10,2%-ით.
Heineken ყიდის პროდუქტებს მსოფლიოს 190-ზე მეტ ქვეყანაში. კომპანიის პორტფოლიო მოიცავს დაახლოებით 300 ბრენდს, მათ შორის: Heineken-ი, Amstel-ი, Anchor-ი, Biere Larue, Bintang-ი, Birra Moretti, Cruzcampo, Desperados-ი, Dos Equis-ი, Foster's-ი, Newcastle Brown Ale, Primus-ი, Sagres-ი, Sol-ი, Star-ი, Strongbow, Tecatewi.
