ცნობილი გახდა, რომ ETIAS მოგზაურობის ავტორიზაციის სისტემა ევროკავშირის ყველა საზღვარზე მხოლოდ 2026 წლის ბოლოს ამოქმედდება.
ETIAS-ის მიზანია დაავალდებულოს მოგზაურებს ევროკავშირის არაწევრი ქვეყნებიდან, რომლებსაც შეუძლიათ ევროკავშირში შესვლა უვიზოდ, მიიღონ სპეციალური ნებართვა შენგენის ზონაში მოკლევადიანი ყოფნისთვის.
სისტემა დაინერგება დაახლოებით ექვსი თვის გარდამავალი პერიოდით, რაც იმას ნიშნავს, რომ რეგისტრაცია დაუყოვნებლივ არ გახდება სავალდებულო: სრული გაშვება მოსალოდნელია მხოლოდ 2027 წლისთვის.
ETIAS-ის ავტორიზაციის მისაღებად, თქვენ უნდა შეავსოთ ონლაინ განაცხადი, მიაწოდოთ პერსონალური ინფორმაცია, უპასუხოთ რამდენიმე კითხვას და გადაიხადოთ საფასური 7 ევროს ოდენობით. ნებართვა დაკავშირებული იქნება მოგზაურის პასპორტთან და ძალაში იქნება სამი წლის განმავლობაში ან პირადობის დამადასტურებელი დოკუმენტის ვადის გასვლამდე.
საფასური არ ვრცელდება არასრულწლოვანებსა და 70 წელზე უფროსი ასაკის პირებზე. თუმცა, მათ მაინც დასჭირდებათ ფორმის შევსება.
ETIAS სისტემის ინტეგრაცია განუყოფლად არის დაკავშირებული EES შესვლის/გასვლის სისტემის დანერგვასთან – ამის გარეშე ETIAS მოგზაურობის ავტორიზაციის სისტემა ვერ იმუშავებს.
შესვლის/გასვლის სისტემის დანერგვა რამდენჯერმე გადაიდო. ევროკავშირმა გადაწყვიტა EES-ის ეტაპობრივად გავრცელება, სისტემა ამოქმედდება რამდენიმე საზღვარზე 2025 წლის ოქტომბერში.
