სექტემბრის უჩვეულოდ მაღალი ტემპერატურა ევროპაში ზაფხულის ექსტრემალური სიცხის ტალღების სერიას მოჰყვა, რომლებიც, მეცნიერების თქმით, ადამიანის მიერ გამოწვეული კლიმატის ცვლილებით გაძლიერდა და გახანგრძლივდა.
ესპანეთის სახელმწიფო მეტეოროლოგიური სააგენტოს (AEMET) ცნობით, ხუთშაბათს, ესპანეთში სექტემბრის ყველაზე მაღალი ტემპერატურა, 45,7 გრადუსი ცელსიუსი დაფიქსირდა სამხრეთ-დასავლეთ ქალაქ ელ გრანადოში.
ტემპერატურამ მონტოროში 2016 წელს დამყარებულ სექტემბრის რეკორდი - 45.7 გრადუს ცელსიუსი გაიმეორა. ორივე ქალაქი ანდალუსიის სამხრეთ რეგიონში მდებარეობს.
ხუთშაბათის მაჩვენებლებმა ასევე აჩვენა ესპანეთში წელს დაფიქსირებული ყველაზე მაღალი ტემპერატურა, რადგან ზაფხულის სიცხეებმა 40°C-ს გადააჭარბა ქვეყნის სამხრეთ და დასავლეთ ნაწილებში ამ კვირაში. ხუთშაბათს, AEMET-მა ასევე განაცხადა, რომ ქვეყანამ იანვრიდან აგვისტომდე ყველაზე ცხელი პერიოდი განიცადა, „აშკარა განსხვავებით“ მომდევნო ოთხ ყველაზე თბილ პერიოდთან შედარებით, რომლებიც წინა ოთხი წლის განმავლობაში დაფიქსირდა.
